________________
८८
पाइयपडिबिंबो
णो तत्थ अण्णं य णिहालिऊण, णं देवदत्ता हु इमा हणीअ । चित्तम्मि इत्थं किर णिण्णिऊण, पूसाइणंदीअ णिवस्स पासं ।।३३।। आगम्म इत्थं पिसुणेति भूवं, सामी ! हु जायं अहुणा अणत्थं । तुझं य माया विहया इयाणि, राणीअ तुम्हं इर संपयं य ।।३४।।
(जुग्गं) सोऊण दासीवयणेण" इत्थं, पूसाइणंदी णिवई तयाणि । चित्तम्मि दुक्खं पउरं लहेंतो, मुच्छं य लळूण पडेइ हेळं ।।३।। दळूण भूवस्स इमं ठिइं ता, मुच्छं दविट्ठ कुणिउं पयत्तं । कुव्वेति सिग्धं पउरं तयाणि, आहाररूवो" णिवई य ताणं ।।३६॥ मुच्छाअ णठे तुरिअं पयावो, आयाइ माऊअ तया समीवं । दळूण ताए मयविग्गहं सो, झंखेइ२ चित्ते पउरं तयाणि ॥३७॥ रायस्स माया पगया य कालं, सोऊण वत्तं य परोप्परेण । आयांति जत्ताअ सवस्स ताए, लोगा अणेगे पउरा य खिप्पं ।।३८।। आडंबरेणं य कुणीअ ताए, पूसाइणंदी चरमं य कज्जं । सव्वेहि कज्जेहि णिवट्टिऊण, आयाइ पच्छा णिवमंदिरम्मि ॥३९॥ चितेइ इत्थं णिअगम्मि चित्ते, कोवं गओ सो सयराहमेव । देवाइदत्ता अण अस्थि णारी, कीणासणी अत्थि मणुस्सरूवे ॥४०॥ ताए कडं संपइ तं य कज्ज, सामण्णणारी कणिउं ण सक्का। डंडं अओ देज्ज इमाअ इत्थं, मच्चं गमेज्जा तुरिअंजओ सा ॥४१॥
चित्तम्मि इत्थं य विआरिऊण, देवाइदत्तं य णिमंतिऊण । साहेइ कूरा सि तुमं य दुट्ठा, मज्झं कुलं हंद कलंकिअं य ।।४२।। कायव्वमेअं भुवणे वहूणं, सेवेज्ज सासु णिअगं मणेण । . सेवाअ वत्ता य परं दविट्ठा, तं हंदि दाणि य तुमं हणीअ ॥४३।। ठाउं ण जूग्गा णिवमंदिरे मे, णाइं य जुग्गा इह जीविउं तं । डंडं अओ देमि तुमाइ" इत्थं, सिक्खं लहिस्संति पया विजेण ॥४४।।
१०. दासीवदनेन । ११. आधाररूपः। १२. विलपति (विलपेझखवडवडौ-प्रा. व्या. ८।४।१४८) । १३. पौराः । १४. तव ।
