________________
चउत्थो सग्गो
गेण्हेंति' जम्मं मणुआ इहं जे, मच्चु य णूणं य लहेंति ते य । होज्जा णिवो तित्थयरो य को वा, णाई य कालो य जहाइ कं य ।।१।।
मच्चू कया कुत्थ य अभिडेज्जा', णो को वि मच्चो य मुणेइ किंचि । दत्तावहाणो य अओ हुवेज्जा, जीअम्मि णिच्चं मणुआ य अत्थ ॥२॥ वम्फेइ सायं हु पयाण जो य, कुव्वेइ किच्चं हिअयं य ताणं । वच्चेइ मिच्चु सहसा य सो हा! , धम्मी णिवो वेसमणाइदत्तो॥३।। दठ्ठण रायं णिहणं य पत्तं, सोगो पयायो समरायवंसे । साहेमि वत्तं कुमरस्स किं य, राणीअ दुक्खस्स तहिं विचित्तं ॥४।। कूव्वेंति दुक्खं पउरं तयाणि, अप्पं य धीरं चइऊण ते य । कालस्स अग्गं य परंय किंचि, कस्सावि णाई य बलं चलेइ ॥५॥ मच्चु जया को वि गमेइ मच्चो, कुवेंति दुक्खं पउरं तया ते । जेसिं सणेहो इर तेणं सद्धि, णेहं विणा को ण दुहं कुणेइ ॥६॥ राया इयाणि पगओ य मच्चु, विज्जुव्व वत्ता इमिआ पुरीए । सव्वत्थ सिग्घं पसरं पयाया, सोऊण चित्तं सयला गया य ॥७॥ कुव्वेंति दुक्खं पउरा मणुस्सा, तेसिं गुणा विम्हरिऊण' चित्त । सो आसि णायी हिअपेक्खगो य, रज्जम्मि णेसिं सुहिआ पया य ।।८।। मच्चुस्स पच्छा वि सरेंति तं भो! , मच्चा णिअंतं भुवणम्मि अत्थ । कुव्वेइ अण्णाण हिआय किं वि, किच्चं सुकंतं जहिऊण सत्थं ।।९।। १. छंद-इंद्रवज्रा, लक्षण–स्यादिन्द्रवज्रा यदि तौ जगौ गः। २. समागच्छेत् (समा अभिड:-८।४।१६४)। ३. मृत्युं (मसृण-मृगाङ्क-मृत्यु शृङ्ग-धृष्टे वा-प्रा. व्या. ८।१।१३० इति सूत्रेण मिच्चु, मच्चु द्वौ भवतः)। ४. पौराः (अउः पौरादौ च प्रा. व्या. ८।१।१६२) । ५. स्मृत्वा-(स्मरे झर-झूर....."सुमर-पयर-पम्हुहाः-प्रा. व्या. ८।४।७४) ।