________________
५२
नव पदार्थ
१३. जीव अजीव सर्व दरब नों, भाजन आकास्तीकाय जी । अनंता रो भाजन तेह सूं, अनंती कही परजाय जी ।।
१४. चालवानें साज धर्मास्ती, थिर रहवानें अधर्मास्तीकाय जी ! आकास विकास भाजन गुण, सर्व द्रव्य रहै तिणं मांय जी ।।
१५. धर्मास्ती रा तीन भेद छै, खंध ने देस परदेस जी । आखी धर्मास्ती खंध छै, ते ऊंणी नहीं लवलेस जी ।।
:
१६. एक प्रदेस थी आदि दे, एक प्रदेस ऊंणी खंध न होय जी । त्यां लग देस प्रदेस छै, तिणनें खंध म जाणजो कोय जी ।।
१७. धर्मास्तीकाय तो सेंथाले पड़ी, तावड़ा छांही ज्यूं एक धार जी । तिणरे बेंटो ने बींटो कोई नहीं, वले नहीं छै की सांध लिगार जी ।।
१८. पुद्गलास्ती सुं प्रदेस न्यारो पड्यो, तिणनें परमाणु कह्यो जिणराय जी । तिण सूखम परमाणु थकी, तिण सूं मापी छै धर्मास्तीकाय जी ।।
१६. एक परमाणूओ फरसें धर्मास्ती, तिणनें प्रदेस कह्यो जिणराय जी। इण मापा सूं धर्मास्तीकाय नां, असंख्यात प्रदेस हुवे ताय जी ।।
२०. तिण सूं असंख्यात प्रदेसी धर्मास्ती, अधर्मास्ती पिण इमहीज जांण जी । अनंता आकास्तीकाय नां, प्रदेस इण रीत पिछांण जी ।।
