________________
५६०
नव पदार्थ
३६. मिश्र मोहणी षयउपसम हुआं, सममिथ्या दिष्टी उजली हुवें तांम हो।
जब घणां पदार्थ सुध सरधलें, एहवो गुण नीपजें अमांम हो।।
३७. समकत मोहणी षयउपसम हूआं, नीपजें समकत रतन. परधान हो।
नव ही पदार्थ सुध सरधलें, एहवो षयउपसम भाव निधान हो।
३८. मिथ्यात मोहणी उदे , ज्यां लगे, सममिथ्या दिष्टी नही आंवत हो।
मिश्र मोहणी रा उदे थकी, समकत नहीं पांवत हो।।
३६. समकत मोहणी ज्यां लगें उदे रहें, त्यां लग पायक समकत आवे नांहि हो।
एहवी छाक छै दरसण मोह करम नी, न्हांखै जीव ने भ्रमजाल मांय हो।।
४०. षयउपसम भाव तीनूंइ दिष्टी छे, ते सगलोइ सुध सरधांन हो।
ते खायक सममत मांहिली वानगी, मातर गुण निधान हो।।
४१. अंतराय करम षयउपसम हूआं, आठ गुण नीपजें श्रीकार हो।
पांच लब्द तीन वीर्य नीपजें, हिवें तेहनों सुणो विसतार हो।।
४२. पाचूंइ प्रकत अंतराय नी, सदा षयउपसम रहें , साख्यात हो।
तिण सूं पांचूं लब्द बालवीर्य, उजल रहें , अल्प मात हो।।
४३. दानांतराय षयउपसम हूआं, दांन देवा री लब्द उपजंत हो।
लाभांतराय षयउपसम हूआं, लाभ री लब्द खुलंत हो।।
