________________
१२
नव पदार्थ
३५. ए पांचूइ भाव नें भाव जीव जांणो, त्यांने रूडी रीत पिछांणो । उपजे नें विले होय जाय, ते भावे जीव तो छै इण न्याय । ।
३६. कर्म संजोग विजोग सूं तेह, भावे जीव नीपनो छै एह । च्यार भाव तो निश्चे फिर जाय, खायक भावे फिरे नहीं ताय ।।
३७. द्रव्य तो सासतो छे ताहि, ते तो तीनोइ काल रे मांहि । ते तो विले कदे नहीं होय, द्रव्य तो ज्यूं रो ज्यूं रहसी सोय ।।
३८. ते तो छेद्यो कदे न छेदावे, भेद्यो पिण कदे नहीं भेदावे । जाल्यो पिण जले नांहिं, बाल्यो पिण न बले अगन मांहिं । ।
३६. काट्यो पिण कटे नहीं कांइ, गाले तो पिण गले नांहिं । बांट्यो पिण नहीं बंटाय, घसे तो पिण नहीं घसाय । ।
४०. द्रव्य असंख्यात प्रदेसी जीव, नित रो नित रहसी सदीव । ते मास्यो पिण मरे नांहिं, वले घटे बधे नहीं कांइ ||
४१. द्रव्य तो असंख्यात प्रदेसी, ते तो सदा ज्यूंरा ज्यूं रहसी । एक प्रदेस पिण घटे नांहिं, तीनूंइ काल रे मांहिं । ।
४२. खंडायो पिण न खंडे लिगार, नित सदा रहे एक-धार । एहवो छै द्रव्य जीव अखंड, अखी थको रहे इण मंड।।
