________________
नव पदार्थ
२७. उदें तो आठ कर्म अजीव, त्यांरा उदा सूं नीपना जीव । ते उदय भाव जीव छै तांम, त्यांरा अनेक जूआ जूआ नांम ।।
२८. उपसम तो मोहणी कर्म एक, जब नीपजें गुण अनेक | ते उपसम भाव जीव छै तांम, त्यांरा पिण छें जूआ जूआ नांम ||
२६. खय तो हुवें आठ कर्म, जब खायक गुण नीपजें परम । ते खायक गुण छें भाव जीव, ते उजला रहें सदा सदीव ।।
३०. बे आवरणी नें मोंहणी अंतराय, ए च्यारूं कर्म खयउपसम थाय । जब नीपजे खयउपसम भाव चोखो, ते पिण छै भाव जीव निरदोषो । ।
३१. जीव परिणमें जिण जिण भाव मांहि, ते सगला छै न्यारा २ ताहि । पिण परिणांमीक सारा छें तांम, जेहवा तेहवा परिणांमीक नांम । ।
३२. कर्म उदें सूं भाव होय, ते तो भाव जीव छै कर्म उपसमीयां उपसम भाव, ते उपसम भाव जीव इण
सोय ।
न्याव । ।
३३. कर्म खय सूं खायक भाव होय, ते पिण भाव जीव छै सोय । कर्मखें उपसम सूं खें उपसम भाव, ते पिण छै भाव जीव इण न्याव ।।
३४. ओ च्यारूं इ भाव छैं परिणांमीक, ओ पिण भाव जीव छै ठीक । ओर जीव अजीव अनेक, परिणांमीक बिना नहीं एक ।।
