________________
१६०
नव पदार्थ
३१. ग्यांनावर्णी नें दरसणावर्णी रे लाल, वले मोहणी नें अंतराय हो । ये च्यांरू इ एकंत पाप कर्म छै रे लाल, त्यांरी करणी नहीं आग्या मांय हो । ।
३२. वेदनी आउषो नांम गोत छै रे लाल, ए च्यांरूई कर्म पुन पाप हो । तिणमें पुन री करणी निरवद कही रे लाल, तिणरी आग्या दे जिण आप हो ।।
३३. ए भगवती शतक आठ में रे लाल, नवमां उदेसा मांय हो । पुन पाप तणी करणी तणो रे लाल, ते जाणे समदिष्टी न्याय हो । ।
३४. करणी करे नीहांणो नहीं करे रे लाल, चोखा परिणामां समकतवंत हो। समाध जोग वरते तेहनो रे लाल, खिमा करी परीसह खमंत हो।।
३५. पांचूं इन्द्री नें वश कीयां रे लाल, वले माया कपट अपासत्थपणो ग्यांनादिक तणो रे लाल, समणपणे छै
रहीत हो । सहीत हो । ।
३६. हितकारी प्रवचन आठां तणो रे लाल, धर्मकथा कहै विस्तार हो । यां दसां बोलां बंधे जीव रे रे लाल, किल्याणकारी कर्म श्रीकार हो । ।
३७. ते किल्याणकारी कर्म पुन छै रे लाल, त्यांरी करणी पिण निरवद जांण हो । ते ठाणा अंग दसमें ठाणे कह्यो रे लाल, तिहां जोय करो पिछांण हो । ।
३८. अन पुने पांण पुने कह्यो रे लाल, लेण सेण वस्त्र पुन जांण हो । मन पुने वचन काया पुने रे लाल, नमसकार पुने नवमों पिछांण हो । ।
