________________
१४२
नव पदार्थ
२७. पेहलो संघेण संठाण वरज नें, च्यार संघेण च्यार संठाण हो लाल । त्यांमें तो भेल दीसे छै पुन तणो, ग्यांनी वदे ते परमाण हो लाल ।।
२८. जे जे हाड छै पेहला संघेण में, तिण मांहिला च्यारां मांय हो लाल । त्यानें जाबक पाप में घालीया, मिलतो न दीसे न्याय हो लाल । ।
२६. जे जे आकर पेहला संठाण में, तिण मांहिला च्यारां मांय हो लाल । त्यानें जाबक पाप में घालिया, ओ पिण मिलतो न दीसे न्याय हो लाल । !
३०. ऊंच गोपतणे आय परणम्या, ते उदे आवे जीव रे तांम हो लाल । ऊच पदवी पामें तिण थकी, ऊंच गोत छै तिण रो नांम हो लाल
३१. सघली न्यात थकी ऊंची न्यात छै, तिणमें कठे न लागे छोत हो लाल । एहवा छे मिनष नें देवता, त्यांरो कर्म छै ऊंच गोत हो लाल । ।
३२. जे जे गुण आवे जीव रे सुभपणे, जेहवा छै जीव रा नांम हो लाल । तेहवा इज नाम पुदगल तणा, जीव तणे संयोगे तांम हो लाल ।।
३३. जीव सुध हूओ पुदगल थकी, तिणसूं रूड़ा पाया नांम हो लाल । जीव ने सुध कीधो पुदगलां, त्यांरा पिण सुध छै नांम तांम हो लाल ।।
३४. ज्यां पुदगल रा प्रसंग थी, जीव वाज्यो संसार में ऊंच हो लाल । ते पुदगल ऊंच वाजीया, त्यांरो न्याय न जांणे भूंच हो लाल ।।
