________________
खलु भो माहणा वयति, अहमेगो असद्धेयं वयामि।....सपुत्तेहिं अपुत्ते को मेदं सद्दहिस्सई? समित्तेहिं अमित्ते को मेदं सद्दहिस्सइ? एवं अत्थेणं दारेणं, दासेहिं परिजणेणं।
असद्धेयं वदिस्सामि। तेतलीपुत्तेण अरहता इसिणा बुइयं। सपरिजणं पि णाम ममं अपरिजणो त्ति को मे तं सद्दहिस्सति? सपुत्तं पि णाम ममं । अपुत्ते त्ति को मे सद्दहिस्सति? एवं समित्तं पि णाम ममं, सवित्तं पि णाम मम, स परिग्गहं पि णाम ममं, दाण-माण-सक्कारोवयार-संगहिते तेतलिप्ते स सयणपरिजणे विरागं गते को मे तं सद्दहिस्सति।
तेतलीपुत्तेण अमच्चेण.... तालपुडके विसे खातिते त्ति से वियसे पडिहते त्ति को मे तं सद्दहिस्सति?.....महतिमहालयं रुक्खं दुरुहित्त पासे छिण्णे तहावि ण मए को मे तं सद्दहिस्सति? महतिमहालयं पासाणं गीवाए बन्धित्ता अत्थाहाए पुक्खरिणीए अप्पा पक्खिते तथ्य अवि य णं थाहे लद्धे, को मे तं सदहिस्सति? तेतलिपुत्तेण महतिमहालियं कट्ठरासी पलीवेत्ता अप्पा पक्खित्ते से विय से अगणिकाए विज्झाए को मे तं सद्दहिस्सति?
तेतलिपुत्तेण अमच्चेणं..... तालपुडगे विसे आसंगसि पक्खित्ते, से वि य णो संकमइ को मेदं सद्दहिस्सइ?.....पासगं बधेत्ता जाव रज्जू छिन्ना को मेदं सद्दहिस्सइ? महासिलयं बंधित्ता अत्थाह जाव उदगंसि अप्पामुक्के, तत्थ वि य णं थाहे जाए, को मेदं सद्दहिस्सइ? सुकंसि तणकूडे अग्गी विज्झाए को मेदं सद्दहिस्सइ?
___तए णं सा पुट्टिला तएणं से पोट्टिले देवे.... मुसियारधूता... अन्तलिक्ख अदूरसामंते ठिच्चा एवं वयासी पडिवण्णा एवं वयासी आउसो हं भोतेयलिपुत्ता... पुर ओ पवाए, तेतलिपुत्ता.... पुरओ वित्थिण्णे पिटुओ हत्थिभयं दुहओ अचक्खुफासे गिरिसिहर कंदरप्पवाते, पिटुओ मज्झे सराणि वरिसति, गामे पलित्ते कम्पेमाणे व्व मेहणितलं साकड्ढन्ते रज्ज झियाइ....आउसो तेयलिपुत्ता व्व पायवे णिप्फोडेमाणे व्व कओ वयामो? 56 इसिभासियाइं सुत्ताई
