________________
ઢાળ-દસમી
(ધવલ શેઠ લેઈ ભટણું. એ દેશી.) અમરકુમર ગ્રહી ભેટણું, આવ્યો નરપતિ પાસે રે; માંડવિયે તવ ઓળખ્યો, પામ્યો ચિત્ત ઉલ્લાસ રે. અમર. ૧ નિજ સેવકને ઇમ કહે, એ વ્યવહારી જાઠો રે; એહની વસ્તુમાં આમલો, તિણે જઈ પાડો ભૂંઠો રે. અ. ૨ ભૂપને જઈ ઇણિપરે કહી, લાવો માહરી પાસે રે; સેવક જઈ નૃપને કહી, આણ્યો વિમલજસ પાસે રે. અ. ૩ પોત સયલ લૂંટી કરી, નિજ ઘર વસ્તુ ભરાવે રે; ચોર ચોર કહી દિનપ્રતે, સયલ મલી બીવરાવે રે. અ. ૪ નિજ સેવકને ઇમ કહે, બીહાવજો કહી ચોર રે; પણ નવિ કોઇ મારશો, કરજો વયણે જે રે. અ. ૫ હવે દિન દિન બીહાવતા, વિમલસ-ભટ તેહને રે; જીવતો ઉઠીશ કિણિપરે, જોખમ છે તુઝ દેહને રે. અ. ૬ જાતિ વણિક થઇ શું કરી? ચોરી તે સુણ શેઠ રે; ચોર નો કોઇ ધણી નહિ, કોપ્યો સાહિબ ઠેઠ રે. અ. ૭ એક દિવસ પડ્યો ધ્રાસકો, અમરકુમારને ત્યાંહી રે; ઉઠી ન શકે બાપડ, મૂછ ગત તનમાંહી રે. અ. ૮ શીતલ વાયુ પ્રચારથી, સચેત કર્યો તિરિવારે રે; ચિંતે પૂરવભવ કર્યા, આવ્યાં પાપ સમકાળે રે. અ. ૯ અમર કહે સાહિબ! સુણો, હું છું તુમ આધીન રે; મયા કરી મુઝ જીવતો, મૂકો ધન ગ્રહી દીન રે. અ. ૧૦ માંડવિયો તવ ઇમ કહે, તો તુઝ છૂટકો થાવે રે; શેર સવા ધૃત તું યદા, મુઝ પગતલમેં સમાવે રે. અ. ૧૧ કપટ પછેડી ઓઢીને, માંડવિયો તવ સૂતો રે; પગતલ તાસ લાંસતો, અમરકુમર ધૃત જુતો રે. અ. ૧૨ દોય પ્રહર પગ ચોળીયા, પણ ધૃત જબનવિ નીઠું રે;
ચિંતી ચિત્ત મુખ માંડીયો, પીવા કારણ મીઠું રે. અ. ૧૩ (મહાસતી શ્રી સુરસુંદરીનો રાસ)