________________
(7) जीवे णं भंते ! गब्भगए समाणे देवलोएसु उववज्जेज्जा ? गोयमा ! अत्थेगइए उववज्जेज्ज अत्थेगइए नो उववजेज्जा? गोयमा ! जेणं जीवे गब्भगए समाणे सण्णी पंचिंदिए सव्वहिं पज्जत्तीहिं पज्जत्तए वेउव्वियलद्धीए वीरियलद्धीए ओहिनाणलद्धीए तहारुवस्स समणस्स वा माहणस्स वाअंतिए एगमवि आयरियं धम्मियं सुवयणं सोच्चा निसम्म तओ से भवइ तिव्वसंवेगसंजायसड्ढे तिव्वधम्माणुरायरत्ते, से णं जीवे धम्मकामए पुण्णकामए सग्गकामए मोक्खकामए, धम्मकंखिए पुनकंखिए सग्गकंखिए, मोक्खकंखिए, धम्मपिवासिए पुनपिवासिए सग्गपिवासिए मोक्खपिवासिए, तच्चित्ते तम्मणे तल्लेसे तदज्झवसिए तत्तिवज्झवसाणे तदप्पियकरणे तदट्ठोवउत्ते तब्भावणाभाविए, एयंसिणं अंतरंसि कालं करेज्जा देवलोएसु उववज्जेज जा, से एएणं अटेणं गोयमा ! एवं वुच्चइ-अत्थेगइए उववज्जेज्जा, से एएणं अटेणं गोयमा! एवं वुच्चइ-अत्थेगइए उववज्जेजा अत्थेगइएनो उववज्जेजा।
(तंदुलवैचारिकसूत्र-27)
(8) जीणे णं भंते ! गब्भगए समाणे उत्ताणए वा पासिल्लए वा अंबखुज्जए वा अच्छेज्ज वा चिट्ठज्ज वा निसीएज्ज वा तुयट्टेज्ज वा आसएज्ज वा सएज्ज वा माउए सुयमाणीए सुयइ जागरमाणीए जगरइ सुहिआए सुहिओ भवइ दुहिआए दुहिओ भवइ ? हंतागोयमा! जीवेणंगभगए समाणे उत्ताणए वाजावदुक्खिआए दुक्खिओभवइ।
(तंदुलवैचारिकसूत्र - 28)
(9) आउसो! तओ नवमे मासे तीए वा पडुप्पन्ने वा अणागए वा चउण्हं माया अन्नयरं पयायइ। तं जहा-इत्थिं वा इत्थिरुवेणं 1 पुरिसं वा पुरिसरूवेणं 2 नपुंसगं वा नपुंसगरुवेणं 3 बिंबवा बिंबरूवेणं 4।
(तंदुलवैचारिकसूत्र-34)
(10) अप्पंसुक्कं बहुओयं इत्थीया तत्थ जायई।
अप्पंओयं बहुंसुक्कं पुरिसो तत्थजायई।
(तंदुलवैचारिकगाथा-35)
