________________
72
(4) जीवे णंभंते ! गब्भगए समाणे किमाहारं आहारेइ ? गोयमा ! जंसे माया नाणाविहाओ रसविगईओ तित्त-कडुय-कसायंबिल-महुराइ दव्वाइं आहारेइ तओ एगदेसेणंओयमाहारेइ।
(तंदुलवैचारिकसूत्र-22)
(5) कइ णं भंते ! माउअंगा पण्णत्ता ? गोयमा ! तओ माउअंगा पण्णत्ता, तं जहा - मंसे 1 सोणिए 2 मत्थुलुंगे 3। कइणंभंते ! पिउअंगा पण्णत्ता ? गोयमा! तओ पिउअंगा पण्णत्ता, तंजहा - अट्टि1 अट्ठिमिंजा 2 केस-मंसु-रोम-नहा 3।
(तंदुलवैचारिकसूत्र-25)
(6) जीवेणंभंते ! गब्भगए समाणे नरएसु उववज्जिजा? गोयमा! अत्थेगइए उववज्जेज्जा अत्थेगइए नो उववज्जेज्जा। से केणठेणं भंते ! एवं वुच्चइ जीवे णं गब्भगए समाणे नरएसु अत्थेगइए उववज्जेज्जाअत्थेगइए, नो उववज्जेज्जा ? गोयमा ! जेणंजीवे गब्भगए समाणे सन्नी पंचिंदिए सव्वाहिं पज्जत्तीहिं पज्जत्तए वीरियलद्धीए विभंगनाणलद्धीए वेउब्विअलद्धीए वेउब्वियलद्धिपत्ते पराणीअं आगयं सोच्चा निसम्म पएसे निच्छुहइ, 2 त्ता वेउव्वियसमुग्घाएणं समोहणइ, 2 त्ता चाउरंगिणिं सेन्नं सन्नाहेइ, सन्नाहित्ता पराणीएण सद्धिं संगाम संगामेइ, से णं जीवे अत्थकामए रज्जकामए भोगकामए कामकामए, अत्थकंखिए, रज्जकंखिए भोगकंखिए कामकंखिए, अत्थपिवासिए रज्जपिवासिए भोगपिवासिए कामपिवासिए तच्चित्तं तम्मणे तल्लेसे तदज्झवसिए तत्तिव्वज्झवसाणे तदह्रोवउत्ते. तदप्पियकरणे तब्भावणाभाविए, एयंसिचणंअंतरंसि कालं करेज्जा नेरइएसु उववज्जेज्जा, से एएणं अट्टेणंगोयमा! एवं वुच्चइ-जीवेणगब्भगए समाणे नेरइएसुअत्थेगइए उववज्जेज्जा, अत्थेगइएनो उववज्जेज्जा।
(तंदुलवैचारिक, सूत्र-26)
