________________
પૂજા વિધિ
ચૈત્યવંદન ભાષ્યને અનુસાર શ્રાવકે ત્રિકાળ પૂજા કરવી જોઈએ. તેમાં સવારે પ્રતિક્રમણ કર્યા પછી તે શુદ્ધ વસ્ત્ર પહેરી પરમાત્માની વાસક્ષેપ પૂજા કરી ધૂપ-દીપાદિ પૂજા કરી ચૈત્યવંદન કરે તેવી જ રીતે સાંજે સંધ્યાકાળે ધૂપ-દીપાદિ વડે પૂજા કરી ચૈત્યવંદન કરે.અત્રે મધ્યાહ્ન કાળની પૂજાની વિધિ વિસ્તારથી સમજી વિધિપૂર્વક કરવામાં આવે તો આત્માનું કલ્યાણ કરનારી બને છે. તે વિધિ પૂ.આ.ભ.શ્રી દેવેન્દ્રસૂરીશ્વરજી મહારાજાએ ચૈત્યવંદન ભાષ્યમાં બતાવેલી છે. ૨૪ દ્વારમાં ૨૦૭૪ ચૈત્યવંદનના સ્થાન બતાવેલ છે તેનું સંકલન કરીને દેરાસરમાં પ્રવેશ કેવી રીતે કરવો ? તથા કઈ કઈ વખતે શાનું ચિંતન કરવું ? તેનો ખ્યાલ રાખી મનને બીજે જતું અટકાવી પરમાત્માની પૂજામાં મનને એકાગ્ર બનાવી સુંદર ભાવપૂર્વક પરમાત્માની પૂજા કરીને જીવ કર્મની નિર્જરા સાધવા દ્વારા સર્વથા કર્મથી મુક્ત થઈ શાશ્વત સુખને પામનારો બને છે.
સૌ પ્રથમ વિધિ મુજબ સ્નાનાદિ ક્રિયા કરી ઉત્તમ સામગ્રી લઈ ઋદ્ધિમંત શ્રાવક શણગારોથી અલંકૃત થઈ પાંચ અભિગમ સાચવી જિનાલયે જાય. જિનાલયના અગ્રદ્વાર ઉપર જઈ પ્રથમ નિસાહિ કહી સંસાર સંબંધી સાવદ્ય પ્રવૃત્તિનો મન-વચનકાયાથી ત્યાગ કરી પ્રવેશ કરે અને જ્યાં પ્રભુના મુખના દર્શન થાય ત્યા અંજલિબદ્ધ પ્રણામ કરે. ત્યાર પછી પરમાત્માને ત્રણ પ્રદક્ષિણા આપે. તે ત્રણ પ્રદક્ષિણાના દુહા અને અર્થ નીચે પ્રમાણે છે.
પ્રદક્ષિણાના દુહા પ્રથમ પ્રદક્ષિણા વખતે
કાલ અનાદિ અનંતથી, ભવભ્રમણનો નહિ પાર, તે ભ્રમણ નિવારવા પ્રદક્ષિણા દઉં સાર (૧) ભમતીમાં ભમતાં થકાં, “ભવ ભાવઠ” દૂર પલાય,
પ્રદક્ષિણા તે કારણે ભવિકજન ચિત્ત લાય (૨) બીજી પ્રદક્ષિણા વખતે
કેવલિભાષિત વચનમાં સદુહણા સુખકાર, જન્મમરણાદિક દૂર ટળે સીજે જો દરિસણ સાર (૩)
૧. જુઓ દ્વાર બીજું ૨. જુઓ દ્વારા પ્રથમ નિસાહિત્રિક ૩.જુઓ દ્વાર પહેલું ત્રીજી પ્રણામત્રિક
૪. જુઓ દ્વાર પહેલું બીજી પ્રદક્ષિણાત્રિક.
ભાષ્યત્રિક-ભાવત્રિક ૪૫