________________
એમની સાતે બહેનો દીક્ષિત થતા આ વંશની વિખ્યાતિમાં ચાર-ચાર ચાંદ ચમકી ઉઠ્યા !
શ્રી સ્થૂલભદ્રજીએ જે સંજોગોમાં અને જે રીતે દીક્ષા લીધી, તેમજ બાર-બાર વર્ષ સુધી જેની સાથે રંગરાગના ફાગ ખેલ્યા હતા, તે કોશા વેશ્યાના વિલાસ ભવનમાં ચાતુર્માસ ગાળીને જે રીતે એનેય પણ પરમ શ્રાવિકા બનાવી, આ અને આવું ઘણું બધું મગધની જનતાને અદ્ભુત-અદ્ભુત લાગે એવું હતું. ખરેખર આ ઘટના પણ એવી જ હતી! કામના ઘરમાં રહીને, કામને મારવો સહેલો ન હતો ! કાજળની કોટડીમાં વસીને ડાઘ ન લાગવા દેવો, એ ખૂબ જ દોહ્યલું હતું. પણ આ દુર્લભાતિદુર્લભનેય શ્રી સ્થૂલભદ્રજીએ સુલભાતિસુલભ કરી બતાવ્યું હતું.
શ્રી સ્થૂલભદ્રસૂરિજીએ પાટલિપુત્રમાં આપેલી આગમ વાચના, આ યુગનું એક અદભુત કાર્ય બની ગયું! આમાં સંઘને ચાર ચૂલિકાની પ્રાપ્તિ શ્રી સીમંધરસ્વામીજી દ્વારા થવા પામી. એની વિગત પણ જાણવા જેવી છે. શ્રીયક અને એની સાતે બહેનો આમાં નિમિત્ત બની હતી. શ્રીયકની દીક્ષા બાદ એક આ પ્રસંગ બન્યો.
શ્રીયક મુનિની શરીરની શક્તિ એટલી પ્રબળ ન હતી. એથી એઓ ઉપવાસ આદિ કરી ન શકતા. એકવાર પર્યુષણના દિવસોમાં એમના બહેન સાધ્વીયક્ષાને થયું કે, આ સંવત્સરીએ તો હું ગમે તે રીતે શ્રીયકમુનિને ઉપવાસ કરાઉં ! આ ભાવના મુજબ એમણે શ્રીયકમુનિને નવકારશીના બદલે પોરસીનું પચ્ચકખાણ કરવા વિનંતિ કરી, પોરસી આવી જતા સાઢપોરસીની વિનંતિ કરી. આમ છેક પુરિમઢ સુધી પહોંચ્યા બાદ વિનંતિ કરી કે, હવે તો ઘણોખરો દિવસ પૂરો થઈ ગયો છે અને આજે સંવત્સરી છે ! થોડોક પુરૂષાર્થ કરો, તો ઉપવાસ થઈ જશે. શ્રીયકમુનિએ ઉપવાસનું પચ્ચખાણ કર્યું: યક્ષાસાધ્વીના આનંદનો પાર ન રહ્યો. પણ એ જ રાતે સુધા અસહ્ય બનતા શ્રીયકમુનિ સમાધિભાવને જાળવવા પૂર્વક સ્વર્ગવાસી બન્યા.
૪૮ ૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧૧ મહારાજા ખારવેલ
