________________
હજી કેટલો અભ્યાસ બાકી છે ! જવાબ મળ્યો : વત્સ ! કંટાળી ગયો? હજી તો તું બિન્દુ માત્ર ભણ્યો છે, સિધુ જેટલું ભણવાનું તારે હજી બાકી છે ! શ્રી સ્થૂલભદ્રજી આ સાંભળીને પુનઃ ઉત્સાહ સાથે ભણવામાં તલ્લીન બની ગયા.
એક દહાડો બહેન સાધ્વીઓ વંદનાર્થે આવતા શ્રી સ્થૂલભદ્ર જાતને સિંહના આકારમાં પલટી નાખી ને પછી પુનઃ મૂળ રૂપ ધારણ કરીને બહેન સાધ્વીજીઓની વંદના ઝીલી. આ વાત શ્રી ભદ્રબાહુસ્વામીજી પાસે પહોંચતા એઓ વિચારી રહ્યા કે, આવતા પડતા કાળની આ નિશાની છે. સ્થૂલભદ્રને જો આ વિદ્યા નહિ પચે, તો પછી બીજા કોને પચશે ?
સમય જતાં શ્રી સ્થૂલભદ્રજી વાંચના લેવા આવ્યા, આચાર્યદેવે કહ્યું : વત્સ ! બસ હવે જ્ઞાનદાનની અવધિ આવી ગઈ છે. ભણેલા ૧૦ પૂર્વનો યોગ્ય ઉપયોગ કરજે ! બાકીના ચાર પૂર્વ હવે મારી સાથે જ વિદાય લેશે. શ્રી સ્થૂલભદ્રજીને પોતાની ભૂલ સમજાઈ જતાં એમણે ઘણી-ઘણી વિનંતિ કરી, સંઘેય એમાં સૂર પુરાવ્યો. પણ સુપાત્રને જ વિદ્યા આપવાના આગ્રહી શ્રી ભદ્રબાહુસ્વામીજી એને વશ ન થયા. એ વિનંતિ વધતા એમણે શેષ ચાર પૂર્વનું માત્ર સૂત્રથી જ દાન કર્યું.
મહાપ્રાણ ધ્યાનની પૂર્ણાહુતિ થયા બાદ મગધમાં વિચરતા-વિચરતા ભદ્રબાહુસ્વામીજી પાટલિપુત્રમાં પધાર્યા. ત્યારે આ પ્રસંગ બન્યો. આ સમયે મગધના સમ્રાટ તરીકે મૌર્ય ચંદ્રગુપ્ત અને મંત્રી ચાણક્યની નામના-કામનાના પડધમ ગુંજી રહ્યા હતા. અંતિમ શ્રુતકેવળી અને ચૌદ પૂર્વધર તરીકે પ્રતિષ્ઠિત શ્રી ભદ્રબાહુસ્વામીજીએ પોતાની પાટે શ્રી સ્થૂલભદ્ર સ્વામીને પ્રતિષ્ઠિત કર્યા અને એઓ કલિંગ દેશમાં આવેલ તીર્થસ્વરૂપ કુમારગિરિ ઉપર પંદર દિવસનું અનશન સ્વીકારીને સ્વર્ગવાસી બન્યા. એથી કલિંગની એ ધરતી પણ વધુ ધન્ય બની ગઈ !
૪૬ ૨૦૦૦૦૦૦૦
--~~-~~~-~~-~- મહારાજા ખારવેલ
