Page Text
________________
મારા બધાં સાથીદારો સ્થિર થઈ ગયા છે. માટે કૃપા કરીને આપ મને આપની પાસે રહેલી સ્તંભની-મોક્ષણી વિદ્યા શીખવાડો. આના બદલામાં હું આપને અવસ્થાપિની-તાલોદ્ઘાટિની આ બે વિદ્યાઓ શીખવાડીશ.
જંબૂકુમારે જરાય વિચલિત બન્યા વિના જવાબ વાળ્યો: મારી પાસે જે છે એ બધું ત્યજીને હું તો કાલે સવારે દીક્ષા સ્વીકારવાનો છું. પછી આ બે વિદ્યા લઈને હું શું કરું ? મારી પાસે તો કોઈ વિદ્યા નથી, સિવાય કે ધર્મ-વિદ્યા ! તમને જોઈતી હોય, તો ધર્મવિદ્યા આપવા હું તૈયાર છું. મને તો તમારી એકેય વિદ્યા ખપ લાગે એવી નથી.
પ્રભવના આશ્ચર્યનો પાર ન રહ્યો. એણે અવસ્થાપિની વિદ્યા પાછી ખેંચી લીધી. એથી સૌ જાગી ગયા. પછી એણે જંબૂકુમાર પાસેથી ધર્મની વિદ્યા જાણવા માંડી. અને આ વિદ્યાએ પ્રભવને અને સૌ સાથીદારોને એવા વશ બનાવી દીધા કે એ પાંચસો એ જંબૂસ્વામીજીનું શિષ્યત્વ સ્વીકારવાનો ત્યાં ને ત્યાં જ નિર્ણય લઈ લીધો.
શ્રી પ્રભવસ્વામીજીએ ૪૪ વર્ષનો સાધુ પર્યાય પાળ્યો. ૧૧ વર્ષ સુધી યુગપ્રધાન રહીને એઓ ૮૫ વર્ષની વયે સ્વર્ગવાસી થયા. (જંબૂકુમારની સાથે પ્રભવની દીક્ષા માનનારો એક મત છે, એ મુજબ પ્રભવસ્વામી ૧૦૫ વર્ષની વયે સ્વર્ગવાસી બન્યા.) એમની પાટે શ્રી શäભવસૂરિજી સ્થાપિત થયા. એમના જીવન પરિવર્તનની કથાય પણ અદ્ભુત છે. - શ્રી પ્રભવસ્વામીજી સુવિશાલ ગચ્છના નાયક હતા. એકવાર પોતાની પાટને શોભાવી શકે, એવી વ્યક્તિ-શક્તિની શોધ માટે એમણે હૃતોપયોગ મૂક્યો, પણ પોતાના શિષ્યોમાં જ નહિ, સમગ્ર સંઘમાં પણ એવી વ્યક્તિ ન જણાઈ, એથી અન્ય દર્શનીઓમાં એમણે ઉપયોગ મૂક્યો, તો રાજગૃહીના શયંભવ બ્રાહ્મણમાં આવી યોગ્યતાનાં દર્શન થતાં એઓ રાજગૃહી આવ્યા અને બે સાધુઓને કહ્યું કે, શäભંવબ્રાહ્મણ જ્યાં યજ્ઞ-યાગ કરાવી રહ્યા હોય, ત્યાંથી ગોચરી માટે જતા તમારે ત્યાં ઊભા રહીને એટલું જ જોરજોરથી બોલવું કે : મો ઋષ્ટ
મહારાજા ખારવેલ ~~~~~~~~~~~~~~~~~~~~~~~~~~~~~~~~~~~~~~ ૩૯
| SR No. | 006183 |
| Book Title | Maharaja Kharvel |
| Original Sutra Author | N/A |
| Author | Purnachandrasuri |
| Publisher | Panchprasthan Punyasmruti Prakashan |
| Publication Year | 2016 |
| Total Pages | 178 |
| Language | Gujarati |
| Classification | Book_Gujarati |
| File Size | 6 MB |