Page Text
________________
થયું. શ્રી જંબૂસ્વામીજીના પટ્ટધર તરીકે પ્રતિષ્ઠિત થયેલા શ્રી પ્રભવસ્વામીજીની જીવનની કથા અદ્ભુત હતી, મૂળ તો તેઓ રાજપુત્ર હતા, પણ નાના ભાઈને રાજ્ય મળતા તેઓ નગરનો ત્યાગ કરીને ચાલી નીકળ્યા. એમાં ૪૯૯ ચોરોનો સાથ મળતાં એમણે લૂંટફાટનું જીવન જીવવું શરૂ કર્યું. અવસ્વાપિની અને તાલોટિની આ નામની બે વિદ્યાના જોરે એઓ વિખ્યાત લૂંટારા બન્યા. આ વિદ્યાના બળથી એઓ ગમે તેવા માણસને ઘસઘસાટ ઊંઘતો કરી શકતા અને ગમે તેવા મજબૂત તાળા તોડી શકતા !
પ્રભવચોરને એક દહાડો સમાચાર મળ્યા કે, ૯૯ કરોડ સુવર્ણ મુદ્રાઓના સ્વામી જંબૂકુમારનું લગ્ન લેવાયું છે અને આઠ-આઠ કન્યાઓ લાખ્ખોના દાયજા સાથે જંબૂકુમારનેં વરનાર છે ! પ્રભવે લગ્નની રાતે જ જંબૂકુમારને લૂંટવાનું નક્કી કર્યું. એ લૂંટવા આવ્યો પણ ખરો. પરંતુ ત્યાંનું વાતાવરણ જોતાં જ એ દિંગ થઈ ગયો ! સ્વર્ગની સુંદરીઓ જેવી આઠ-આઠ નવોઢાઓની વચ્ચે રહીને પણ શ્રી જંબકુમાર વૈરાગ્યની વાતો કરી રહ્યા હતા. પ્રભવ એ વાતો સાંભળી જ રહ્યો ! એ વાતો અંતરને આકર્ષી લે એવી હતી. છતાં પ્રભાવને પૂરો ખ્યાલ હતો કે, હું લૂંટ ચલાવવા આવ્યો છું. એથી એણે અવસ્વાપીની વિદ્યા મૂકીને બધાને નિંદ્રાધીન બનાવવાનો દાવ નાંખ્યો. પણ એ વિદ્યાની અસર જંબૂકુમા૨ ઉપર તો ન જ થઈ ! બધી સુંદરીઓ સૂઈ ગઈ. એથી મહામંત્રનો જાપ કરતા જંબૂકુમાર આત્માધ્યાનમાં લીન બન્યા. પ્રભવે જંબૂકુમારને નિદ્રાધીન કરવા વારંવાર વિદ્યાનો પાઠ કર્યો. પણ એ વિદ્યા જ્યારે નિષ્ફળ જ નીવડી, ત્યારે પ્રભવ ચોરને થયું કે, જંબૂકુમાર પાસે સ્તંભની અને મોક્ષણી વિદ્યા હોવી જોઈએ, એના વિના મારા આ બધા સાથીદારો થાંભલાની જેમ સ્થિર કઈ રીતે થઈ જાય ? અને એ પોતે જાગતા કઈ રીતે રહી શકે ?
પ્રભવ ચોર બુકાની છોડી દઈને સીધા જ જંબૂકુમારનો ચાકર બની જતા બોલ્યો ઃ કુમા૨ ! હું પ્રભવ ચોર છું. અહીં ચોરી કરવા આવ્યો હતો. પણ મારી વિદ્યા નિષ્ફળ નીવડી છે અને તમારી વિદ્યાના કારણે
મહારાજા ખારવેલ
३८
~~~~~NN
| SR No. | 006183 |
| Book Title | Maharaja Kharvel |
| Original Sutra Author | N/A |
| Author | Purnachandrasuri |
| Publisher | Panchprasthan Punyasmruti Prakashan |
| Publication Year | 2016 |
| Total Pages | 178 |
| Language | Gujarati |
| Classification | Book_Gujarati |
| File Size | 6 MB |