________________
જૈન-ધર્મની દીક્ષા, અન્યાયની શિક્ષા, ન્યાયની ભિક્ષા અને તીર્થની રક્ષા-આ ચતુર્ભટે જાણે તીર્થની રક્ષા કાજેનો જવલંત ઇતિહાસ લખાયો !
ખેંગાર હવે પોતાનાં આંસુને ખાળી શકે એમ ન હતા. અનુતાપના આંસુની એ ધાર મુનિ બળભદ્રના પગનો અભિષેક કરી રહી ! ડૂસકાં સાથે, રુદન સાથે ખેંગાર બોલ્યા :
ભગવંત ! મારી ધર્માધતા બદલ હું ક્ષમા યાચું છું !
ખેંગારને બોલવાનું ઘણું હતું પણ આંસુ બોલવા દેતા ન હતા ! વાત્સલ્ય સાથે મુનિ બળભદ્દે કહ્યું :
રાજનું ! ન સંભારણો હવે ભૂતકાળને ! જુઓ, ગિરનારની પેલી ઊંચી ઊંચી ટેકરીઓ આપણને સાદ દઈ રહી છે! ભગવાન નેમિનાથનું પેલું શ્યામલ શ્યામલ બિંબ કોઈ અભિનવ સંદેશ આપવા આછા સ્મિત સાથે ગિરનારના શિખરે વિરાજી રહ્યું છે ! ચાલો, ગિરનાર !'
મુનિ બળભદ્રે ગિરનારની વાટે કદમ ઉઠાવ્યું ! એમના કદમે કદમે બીજાં લાખો કદમ ઊઠ્યાં !
ગિરનારની ગૌરવગાથા ડું પ૭
