________________
ધામણઉલિ નગરમાં વસતો ધાર શ્રાવક કુબેરનો કૃપાપાત્ર લેખાતો. એની પાસે ઋદ્ધિ-સિદ્ધિ અપાર હતી, લક્ષ્મી એના આંગણે પાણી ભરતી હતી. ગૃહસ્થાશ્રમનો છોડ પણ અણફળ્યો ન હતો, એની પર પણ પાંચ પાંચ ફળો ઝૂમી પડ્યાં હતાં !
આમ, શ્રાવક ધાર ખૂબ વૈભવશાળી તરીકે ગવાતો, છતાંય ધર્મનો પ્રેમ, અને ધર્મ ઉપર અથાગ શ્રદ્ધા ધરાવતો ધાર શ્રાદ્ધ આચરણમાં પણ ખૂબ જ આગળ પડતો ભાગ લેતો ! ધર્મ અને ધન: આ બન્નેમાં “ધાર'નું નામ ગવાતું!
એક વાર હૈયાની સિતારી પરથી “ગિરનાર'નું ગીત છેડાયું અને ધારને “ગિરનાર'ની ધૂન લાગી ! પણ વિશાળ દૃષ્ટિ પહેલાં સમિષ્ટનાં દર્શન કરે છે અને વ્યક્તિ પોતે તો સમષ્ટિમાં આવી જ જતી હોય છે ને ?
ગામ આખામાં ધાર શ્રાવકે સંઘનું આમંત્રણ પાઠવ્યું. એનો ધ્વનિ આજુબાજુનાં ગામોમાંય પડ્યો. જોતજોતામાં તો ધારના ગૃહાંગણે ગામગામનાં ભક્તિભર્યા હૈયાંઓનો સંગમ સધાયો!
-ને એક પાવની પળે, સંઘનું પ્રસ્થાન પગલું ઊડ્યું! ગિરનાર દૂર હતો, છતાંય કદમ કદમની કૂચે, એક દિવસે સંઘને મહાતીર્થ ગિરનારનો ભેટો કરાવી આપ્યો !
શ્વાસે શ્વાસે જેની ઝંખના હતી, દિલ દિલની દિલરુબા પર જેનાં ગાન હતાં, એ તીર્થનો ભેટો તો થઈ ગયો, પણ ત્યાંની અંધાધૂધી જોતાં જ દરેકની આંખે કમકમાં આવી ગયાં !
ગિરનાર પર જે પક્ષ, પોતાનો અન્યાયી હક જમાવી રહ્યો હતો, એણે દૂર દૂરથી આવતા સંઘની વાત સાંભળી અને એ પણ પોતાનાં શસ્ત્રો સજ્જ કરવા બેસી ગયો ! એણે નિર્ણય કર્યો કે, સંઘને ઉપર જતાં પહેલાં જ રોકવો અને પોતાના હક આગળ કરીને, શ્વેતાંબરોનો
ગિરનારની ગૌરવગાથા ડું ૯
