SearchBrowseAboutContactDonate
Page Preview
Page 48
Loading...
Download File
Download File
Page Text
________________ માર્ગનું અવલોકન કરવા નીકળેલા કાર્યકરો એક ગામડામાં પહોંચ્યા. ગામલોકોનો ઉત્સાહ અને થનગનાટ જોઈને કાર્યકરોએ પણ અનહદ આશ્ચર્ય અનુભવ્યું. જૈનનું એકાદ પણ ઘર ન હોવા છતાં જૈન સંઘ પરનો ગામ-લોકોનો અહોભાવ જોઈને કાર્યકરોને થયું કે, આવા ગામડામાં થઈને સંઘ આગળ વધે, તો ખૂબ ખૂબ સદ્ભાવ વધે. એથી આ ગામમાં થઈને આગળ વધવાનું લગભગ નક્કી કરીને કાર્યકરો વિદાય થયા. એથી એ સંપૂર્ણ ગામડું સંઘની સ્વપ્નસૃષ્ટિ દિનરાત નિહાળી રહ્યું. સંઘાગમનના દિવસો નજીક આવવા માંડ્યા, એમ ગ્રામ્યજનોનો આનંદોલ્લાસ વૃશ્રિંગત બનતો ચાલ્યો. પણ આડી રાત એની શી વાત' આના જેવો ઘાટ ઘડાયો. સંઘના નક્કી થયેલા દિવસના ત્રણ ચાર દહાડા પૂર્વે પુનઃ અવલોકન કરવા આવેલા કાર્યકરો જ્યાં એ ગામના રસ્તાઓનું અવલોકન કરવા નીકળ્યા, ત્યાં જ એક માત્ર જે માર્ગેથી ગામમાં પ્રવેશવું શક્ય હતું, એ માર્ગમાં જ આવતું એક મકાન જોઈને કાર્યકરોને લાગ્યું કે, આ મકાનને કારણે તો આ માર્ગ સંઘના પ્રવેશ માટે એટલો બધો સાંકડો ગણાય કે, સંઘ આગળ જ ન વધી શકે. ગાડાંઓની વણઝાર, યાત્રિકોના મહેરામણ અને સાજન-માજનથી ઉભરાતી પ્રવેશયાત્રા આ માર્ગેથી કઈ રીતે આગળ વધી શકે ? આ પૂર્વેના અનુભવો પરથી બોધપાઠ લઈને કાર્યકરો મનોમન એવા નિર્ણય પર આવી ગયા કે, આવા સાંકડા માર્ગના કારણે રસ્તો બદલીને બીજા કોઈ ગામમાં પડાવ રાખવા વિચારવું જ પડશે. અણગમતો પણ આવો નિર્ણય લેવા મજબૂર બનવું જ પડે, એમ હોવાથી ગામલોકોને આની જાણ કર્યા વિના રસ્તો કઈ રીતે બદલી શકાય ? જૈનશાસનના જ્યોતિર્ધરો ભાગ-૩ • ૩૯
SR No.006181
Book TitleJain Shasanna Jyotirdharo Part 03
Original Sutra AuthorN/A
AuthorPurnachandrasuri
PublisherPanchprasthan Punyasmruti Prakashan
Publication Year2016
Total Pages130
LanguageGujarati
ClassificationBook_Gujarati
File Size16 MB
Copyright © Jain Education International. All rights reserved. | Privacy Policy