________________
ht ડો. માસ્કેરાન, ધર્મે ખ્રિસ્તી હોવાથી ખ્રિસ્તી ડોક્ટર તરીકે
ઓળખાતા. એમનો એક મુખ્ય ગુણ એ હતો કે, તેઓ દર્દ જોઈને નહિ, પણ દર્દીના દેદાર જોઈને ઓછાવત્તા પૈસા લઈનેય દર્દીને પૂરેપૂરો સંતોષ આપવા મથતા. દીનદુઃખી પ્રત્યેની આવી કરુણાની ભાવનાને લીધે, તેઓ ખૂબ ખૂબ લોકલાડીલા બની ગયા હોવાથી બધાને એવો જ વિશ્વાસ બંધાઈ ગયો હતો કે, આ ડોક્ટરનું નામ જ ભાયખલાના માર્ગ સાથે જોડાવા યોગ્ય હોવાથી આ નામ પર તો બધાની પસંદગી ઊતર્યા વિના નહિ જ રહે.
ડોક્ટર ખરેખર સદ્ગણી હતા. એથી એમનું નામ માર્ગ સાથે જોડાય, એમાં કોઈનો વિરોધ તો હોય જ શાનો ? સર્વસંમત નામ જ પસંદ કરવાનું ધોરણ અપનાવાય, તો તો આ ડોક્ટરના નામ ઉપર જ સહુની સમસ્વરે સંમતિ સધાય એમ હતી. લવલેન' વિભાગમાં જ ડોક્ટરનું દવાખાનું ચાલતું હતું અને ગરીબ-ગુરબાં લોકોની અવરજવરથી એ દવાખાનું સતત ઊભરાતું રહેતું હતું. | મુંબઈના અધિકારી વર્ગ સમક્ષ ભાયખલામાં વસવાટ કરતી જનતાએ પોતાની ભાવના રજૂ કરતાંની સાથે જ આશાસ્પદ જવાબ મળતાં નામપલટાના વાતાવરણને ઓર વેગ મળ્યો. સૌને જ્યારે એવો વિશ્વાસ બેસી ગયો કે, હવે તો જનતાની જીત થઈને જ રહેશે. પરંતુ આ બધા સમાચાર ડોક્ટર સમક્ષ પહોંચતા જ એઓ વિચારમગ્ન બની ગયા. નામનાની કામનાથી પર રહીને બધી વૃત્તિ-પ્રવૃત્તિ કરતા રહેનારા એમની ભાવના તો કોઈ જુદી જ જાતની હતી. એઓ વિચારી રહ્યા છે, આ મુંબઈ નગરીમાં તો એવી એવી મહાનતાઓ પેદા થયેલી છે કે, એમનાં નામકામને કોઈ ભૂલવા માંગે, તોય ભૂલી ન શકે. એ મહાપુરુષોની સમક્ષ તો
જૈનશાસનના જ્યોતિર્ધરો ભાગ-૩
૧ ૧
૧
