________________
અને કામનાથી પર રહેવાની વૃત્તિ અને શેઠ મોતીશાહ ht ઉપરની હાર્દિક પ્રીતિના ફળરૂપે જ ભાયખલાના “લવ લેન’ તરીકે ઓળખાતા એ રાજમાર્ગને “મોતીશાહ લેન” આવું નામાંતર મળવા પામ્યું હતું.
ઇતિહાસ બનીને લગભગ ભૂલાઈ ગયેલી એ ઘટના કઈ રીતે ઘટિત બનવા પામી હતી, એ ઘટનાને જાણીશું, તો એક ખ્રિસ્તી ડોક્ટરની મોતીશાહ શેઠ પ્રત્યેની ભક્તિ પર ઓવારી ઊઠવાની સાથે, જૈન યુગના સર્જક શાહ સોદાગર શેઠ મોતીશાહનાં નામકામને અમર રાખવા તરફ જૈન હોવા છતાં આપણે દાખવેલી ઉપેક્ષા આપણા અંતરને આજે ડંખ્યા વિના નહિ જ રહે.
વર્ષોનાં વર્ષો પૂર્વે ભાયખલાનો એ રાજમાર્ગ “લવ લેન તરીકે જ ઓળખાતો હતો. આ જાતના નામકરણ પાછળનું કારણ તો કોઈ જાણતું ન હતું. પણ ઘણા સમય બાદ એક એવું વાતાવરણ વેગ પકડવા માંડ્યું કે, “લવ લેન' ના બદલે કોઈ બીજું સારું નામ આપીને માર્ગની મહત્તાની સાથે કોઈ મહાપુરુષના નામકામનેય અમરતા આપવાનો પ્રયાસ સફળ થાય, તો એથી વધુ રૂડું શું ગણાય?
લવલેન તરીકે ઓળખાતા વિભાગમાં જ શેઠ મોતીશાહે એક એવા ભવ્ય જિનમંદિરનું નિર્માણ કરાવ્યું હતું કે, એથી જૈનજગત ભાયખલાને શત્રુંજય તરીકે જ ઓળખતું થઈ ગયું હતું. પણ આ તો જૈન જનતાની વાત થઈ. મોટાભાગની પ્રજા તો મોતીશાહ કે એમના મંદિરથી ક્યાંથી પરિચિત હોય ? એથી “લવલેન'ના નામપલટા અંગેનું વાતાવરણ જેમ જેમ વેગ પકડતું ગયું, એમ પ્રજામાંથી એક સેવાભાવી ડોક્ટરનું નામ વધુ ને વધુ આગળ કરાતું ગયું. એ વિસ્તારમાં વસતા એક ડોકટર ખૂબ ખૂબ લોકપ્રિય હતા. એમનું નામ હતું :
જેનશાસનના જ્યોતિર્ધરો ભાગ-૩
% 8
