________________
પૂરેપૂરાં સજાગ અને સાવધ હતાં. સમાધિમય અવસ્થામાં તેઓ વિ.સં. ૧૮૩૯ના શ્રાવણ વદ અગિયારસે પર્યુષણના એક દિવસ પૂર્વે સ્વર્ગવાસી બન્યાં, આ રીતે તપ પૂર્ણ કરવાની ભાવનામાં રમમાણ પુંજીબાઈની આ ઘટનામાંથી ડોસા દેવચંદ પરિવારની ધર્મભાવનાની ઝાંખી મળી શકે એમ છે. દેહને પડવા દઈને તપને અખંડિત રાખવાની પુજીબાઈની આ ટેક શ્રી બાલવિજયજી વિરચિત “તપ બહુમાન ભાસ'માં અદ્ભુત રીતે વર્ણવાઈ છે.
લીંબડી જૈન જગતમાં વર્ષોથી લબ્ધપ્રતિષ્ઠ રહ્યું છે, એના કારણ તરીકે લીંબડીનાં જિનમંદિરો-ઉપાશ્રયો અને જાહોજલાલી ધરાવતો જૈન સંઘ તો છે જ. પણ સર્વોપરી કારણ તરીકે લીંબડીના હસ્તલિખિત જ્ઞાનભંડારને જ અગ્રિમતા આપી શકાય, લીંબડીએ આવો જ્ઞાનભંડાર સાચવી-સંગ્રહી ન રાખ્યો હોત, તો કદાચ “જૈનજગતમાં લીંબડીનાં નામ-ઠામ આટલાં બધાં ગૌરવપૂર્વક ગાજતાં ન હોત.'
જૈનશાસનના જ્યોતિર્ધરો ભાગ-૨ ૦ ૩
જૈનશાસનના જ્યોતિર્ધરો ભાગ-૨ #
ટી
