________________
આગળ જતાં ખુશાલદાસજીને સંન્યાસી તરીકે ગોપાલાનંદ સ્વામીના નામે પ્રવેશ મળવા પામ્યો.
સાત ક્ષેત્રોમાંથી સૌથી વધુ ઉપેક્ષિત જ્ઞાનક્ષેત્રને જો આવા થોડા ગુરુભક્તો મળી જવા પામે, તો કેટલી બધી મોટી માત્રામાં “શ્રુત-રક્ષા” થઈ શકે?
સાચો ઝવેરી જ રત્નને પારખી શકે, સાચાં રત્નને ઝવેરી જ ઓળખી શકે. રત્ન જેમ સાચું જોઈએ, એમ ઝવેરી પણ સાચો જ જોઈએ, નહિ તો રત્નના નામે કાચના કટકા કીમતી માની લેવાય અથવા તો કીમતી રત્નોને કાચના કટકા સમજવાની ભારેખમ ભૂલના ભોગ બની જવાય. જેવું રત્ન, એવું જ જ્ઞાન! સાચો જ્ઞાની જ જ્ઞાનને પરખી શકે. સાચું જ્ઞાન જ્ઞાનીની નજરથી છૂપું ન રહી શકે.
જ્ઞાનીને મન જ્ઞાનનું મહત્ત્વ કેટલું બધું હોય, સમ્ય જ્ઞાનની સુરક્ષા કાજે પોતાનું સર્વસ્વ હોમી દેવાની એની કેટલી બધી તૈયારી હોય, એ વિચારીએ, તો ઉપર જેવા બીજા થોડાક પ્રેરક પ્રસંગો ઠીક ઠીક બોધપ્રદ બની ગયા વિના ન જ રહે.
જૈનશાસનના જ્યોતિર્ધરો ભાગ-૨ # ૨
કાવ્યકળા અને કવિતાની અપૂર્વ સમૃદ્ધિથી સમૃદ્ધ કવિ દયારામને વૃદ્ધાવસ્થા ઘેરી વળી અને મોત એમની આસપાસ આંટા મારી રહ્યું, ત્યારે એમને પોતાની કાયાની ચિંતા તો જરાય સતાવતી ન હતી, પણ પોતાની કાવ્યસમૃદ્ધિની સતત ચિંતા તો પળે પળે એમના કાળજાને ) કોરી ખાતી હતી, એમને થતું હતું કે, કાયાની કળી તો એક દિ કરમાવાની જ છે. પણ અમર રહેવા સર્જાયેલી પોતાની પાસેની કાવ્ય-સમૃદ્ધિનું શું? મારી કાયા નામશેષ થઈ જતાં અંતે મારી કાવ્યસમૃદ્ધિ પણ ધીમે ધીમે શું નષ્ટ થતી જતી |
