________________
સને ૧૯૩૧નું ચાતુર્માસ કપડવંજમાં ર્યા પછી તેઓશ્રી અનુક્રમે ભોયણી તીર્થમાં પધાર્યા અને ત્યાં નવપદઆરાધક સમાજ તરફથી ચૈત્ર માસની નવપદની શાશ્વત ઓળીનું ભવ્ય આરાધન કરાવ્યું. આ વખતે ત્યાં ૧૦૮ મુનિવરોને વિશાળ સમુદાય એકત્ર થયો હતો.
સને ૧૯૩૨નું ચાતુર્માસ શેઠ કસ્તુરભાઈ અમરચંદ વગેરેની આગ્રહભરી વિનંતિથી ખંભાતમાં થયું. ત્યાં વૈરાગ્યવાહિની દેશના ને પ્રવાહ વહેતાં ચૌદ-પંદર દીક્ષાઓ થઈ. ત્યાંથી કાવી, ગંધાર, આમેદ, ભરૂચ સુરત તથા ખંભાત થઈ આચાર્યપ્રવર છાણી પધાર્યા. આ વખતે વડોદરા રાજય તરફથી બાલદીક્ષા પ્રતિબંધક નામને એક ધારો કરવાની હિલચાલ ચાલી રહી હતી, તે અંગે વિચારણા કરવા છાણીમાં આચાર્ય શ્રીમદ્ વિજયદાનસૂરીશ્વરજી મહારાજ, આચાર્ય શ્રીમદ્ વિજયમેધસૂરીશ્વરજી મહારાજ, ઉપાધ્યાય શ્રી મનોહર વિજયજી મહારાજ, પંન્યાસ શ્રી રામવિજયજી મહારાજ આદિ પંચોતેર મુનિવરે એકઠા થયા હતા.
આ ધારા અંગે ધાર્મિક વર્ગ તરફથી મોટો વિરોધ થયો હતો અને સુધારક વર્ગ તરફથી તેને ટેકો આપવામાં આવ્યો હતો. છેવટે ગાયકવાડ સરકારે એ ધારાને કાયદાનું રૂપ આપ્યું હતું, પણ વડોદરા રાજયનું વિલીનીકરણ થતાં એ ધારે પણ વિલીન થઈ ગયો.
સં. ૧૯૩૪માં અમદાવાદ મુકામે અખિલ ભારતવષય પ્રથમ શ્વેતાંબર મૂર્તિપૂજક મુનિસંમેલન ભરાયું. તેમાં હાજરી આપી, તેઓ શ્રી ચાતુર્માસાર્થે પાલીતાણું પધાર્યા. ત્યાં ઉપધાનાદિ વિશિષ્ટ કાર્યો થયાં હતાં તથા પાલીતાણા ગામમાં આવેલા શ્રી ગોડીજી પાર્શ્વનાથ ભગવાનની પ્રતિષ્ઠાનો મહત્સવ તેઓશ્રીની નિશ્રામાં ઘણી ધામધુમથી ઉજવાયો હતો.