________________
१६०
श्री विजयपद्मसूरिविरचितः भोगी वि चत्तभोए, सवण्णणिव्वण्ण चंगभावे य ॥ भेयवियोगयसरणे, सत्तियरंगेण ते वंदे ॥ २२ ॥ अण्णाईणं गहणं, सिद्धाणं णेव कम्मविरहाओ । किं लोहचुंबविरहे, लोहागरिसो कया होजा ॥ २३ ॥ केवलणाणुवओगी, परमिद्धे इक्कतीसमुक्खगुणे ॥ चिय कम्माइ धमते-निरुत्तसिध्धे सरेमि सया ॥२४॥ पेरगकम्मपहावा, तिरिगमणं होज कम्मगुरयाए । अहगमणं जीवाणं, न दुण्णि णिक्कम्मसिद्धाणं ॥२५॥ गव्यछट्ठभागे, वासो जम्माइविलयसिद्धाणं । णिम्मलथिरजसकित्ती, वंदेऽक्वरजुयलसिद्ध पहू ॥२६॥ चक्कजुयलदिलुता, बज्झन्भंतरपसत्यतत्तबला । मुत्ती इय बोहेइ, संजोगो नण्णह त्ति सुए॥ २७ ॥ अहिलासुस्सुयभावो, दीसइ लेसेण णेव जत्थ सुहे । सिद्धा तम्मि निलीणा, मीणा जह वारिसंदोहे ॥२८॥ कम्माणुयसब्यावा, देसकयत्या अजोगिमुणिवसहा । ण तहा परमाणंदी, उल्लासा थुणमि ते सिद्धे ॥२९॥ रूवाईयदसाए, सिद्धाणं भावणं कुणताणं । भेयगपंकविणासो, जोइसरुवं च पयडेजा ॥ ३० ॥ सुक्कज्झाणग्गीए, दहंति जे सयलकम्मकट्ठाई। अणलसमाणसहावे, रत्ते सिद्धे सया वंदे ॥ ३१ ॥
