________________
श्री विजयपद्मसूरिविरचितः
सिरिसिद्धत्यनिवसुया, वीरजिणिंदा पणहसोयपया॥ विमलायलजत्ताए, समागया भावकरुणड्ढा ॥४॥ मुरवइणा तत्थ कयं, गढतियपरिमंडियं समोसरणं ॥ तिसलाणंदणणाहा, तत्थ ठिय। देसणं दिन्ति ॥ ५ ॥ सिरिसेत्तुजहाहिय-सयणामायण्णणप्पसंगमि ॥ वरपुंडरीयणाम, णिसुयं सक्केण संपुढं ॥ ६॥ . केगं गिबंधणेणं, एयं णामं पयट्टियं भुवणे ॥ सासणणाहा हेउं, वयंति भवियाण बोहढें ॥७॥ सिरिउसहतित्थवइणो, आसी भरहो मुओ महाचक्की ॥ तत्तणय उसहसेणो, णामंतरपुंडरीओत्ति ॥ ८ ॥ सारइयमेहसरिसं, जीवियमिह संपया तहा चवला ॥ भोगा किंपागसमा, ममया एएसु णो कुज्जा ॥९॥ विण्णा हिययरचरणं, सेवित्ता पाविऊण संतिसुहं ।। पत्तसिवा होति तओ, तुब्भेऽवि तहा कुणह हरिसा ॥१०॥ आयण्णिऊण एवं, उवएसं पढमतित्थनाहस्स ॥ पडिवज्जिऊण दिक्खं, संजाओ गणहरो पढमो॥११॥ तिवईसवणाणंतर-प्पणीयसुंदरदुवालसंगसुओ ॥ विहरइ भव्वेऽणेगे, पडिबोहेइ प्पमोएणं ॥ १२ ॥ सो गामाणुग्गाम, विहरंतो समणपंचकोडीए ॥ परिवरिओ संपत्तो, विमलायलतित्थसिहरंमि ॥१३॥