________________
पाइयपच्चूसो
णवमो सग्गो
णिअं' उवयारिं इह जो णरो, वीसरेइ भुवणम्मि सासयं । साहेति तं विबुहा कयग्घं, लहेइ सो ण कयाइ सक्कई ॥१॥ जस्स दिण्ण-वयेहिं य पाणा, बंकाइचूलस्स हु रक्खिआ । रक्खिआ भइणीअ य पाणा, दिण्णा तस्स पउरा संपया ॥२॥ तं उवयारिं खलु मुणीवइं, सरेइ बंकचूलो पइवलं । करेइ मणम्मि सो हु भावणं, गणाहिवस्स दंसणस्स सया ॥३॥(जुग्गं) अण हुवेइ कयाइ णिरत्थया, सुद्धहियेण विहिया भावणा । आगया तत्थ ते विहरता, आयरिया सहसा य ससीसा ॥४॥ लभ्रूण अकप्पियं य वुढेि, मोयए जहा किसगाण मणो । तह बंकचूलस्स वि चित्तं, मोयए य लहिऊण दंसणं ॥५॥ कव्वेइ आयरियस्स सेवं, सणेइ धम्म सहयं य तेण । लहेइ तस्स संगस्स लाहं, जवेइ कालं मुहा अण किंचि ॥६॥ णाऊण सो वयस्स महत्तं, पडिसुणेइ इर सावगधम्म । पालेंतो दिढत्तणेण तं य, करेइ पइक्खणं जागरणं ॥७॥ आओ तत्थ दंसणं काउं, आयरियस्स तस्स य महप्पणो । सावगो सालिग्गामवासी, जिणाइदासणामो एगया ॥८॥ जाओ तेण समं य संथवं, बंकचूलस्स तस्स तयाणि । साहम्मियत्तेण परोप्परे, हूआ तेसिं पउरा मित्ती ॥९॥ ठाऊण किंचि कालं य तत्थ, कडो आयरियेण हु विहारो । मणम्मि तस्स पउरो विसायो, बंकचूलस्स तयाणि आओ ॥१०॥ णिवेयए सविणयं मुणीवइं, देज्जा पुणो वि अम्ह दंसणं । हओ जो अवराहो मज्झा'. खमेज्ज तं समं हे किवालो ! ॥११॥
( १ ) छंद-पज्झटिका (लक्षण-तुलसी पज्झटिका कुरु नित्यम) । इसमें १६ मात्रा होती हैं। (२) माम् । (३) मत्
