________________
पाइयपच्चूसो
सत्तमो सग्गो कयम्मि' जस्सि मणुयो य लाहं, लहेइ तस्सि य रुई पवुड्ढेि । पयाइ णूणं पउरं जगम्मि, पुणो समं सो बहुलं कुणेइ ॥१॥ मणो विसायं तुरिअं पयाइ, कयम्मि दट्ठण बहुं य हाणिं । इमा य विण्णाण-मया य वत्ता, ण संसओ अत्थ य को वि अत्थि ॥२॥
(जुग्ग) मणो पसण्णो लहिऊण लाहं, मणो अलाहं लहिऊण खित्रो । हुवेइ जेसिं ण णराण किंचि, जगम्मि ते के विरला हवन्ति ।।३॥ वयस्स लाहं लहिऊण सक्खं, वयेसु सद्धा किर तस्स वुड्डा ।। णियेण दासेण समं तयाणिं; समागओ सो णिअगम्मि गामे ॥४॥ जया य गेहम्मि सयम्मि आओ, णिसाअ एगो पहरो वईओ । गेहस्स दटुं पिहिअं दुवारं, मणम्मि भावा य इमे पयाया ॥५॥ चरित्तहीणा अहवा सुसीला, महं य भज्जत्ति णिरिक्खणिज्जा । इणं य आलोइय बंकचूलो, घरस्स दारं णिअकोसलेण ॥६॥ तयाणि उग्घाडिय अंतराले, दुअं य वच्चेइ य चित्तचित्तो । णरेण केणं य समं य सुत्तं, वसं णिअं पेक्खिअ सम्मुहे सो ॥७॥ मणम्मि कोहो पउरो य जाओ, इणं विचिंतेइ य बंकचूलो । ण पच्चओ थीण कयाइ कुज्जा, इणं सया णीइ-वयं य सच्चं ॥८॥
(तीहिं विसेसगं) असिं णि कड्डिअ सो जया तं, णरं य हंतुं य समुज्जओ य । वयं य बीअं य तयाणि तस्स, सई समाअं सयराहमेव ॥९॥ तयावि पालेइ वयं णिअं य, हियम्मि हंतुं किर आउरो सो । कयम्मि जस्सि य लहेइ लाहं, जहेइ किं तं मणुयो कयाइ ॥१०॥ वयस्स रक्खं करिउं जया सो, पयाइ सत्तट्ठ पयाणि पच्छा । तयाणि वारेण य टक्करेइ, असी य सिग्घं य अचिंतियं से ॥११॥
(१) छंद-उपेन्द्रवज्रा (लक्षण-उपेन्द्रवज्राजतजास्ततो गो)।
. (२) विज्ञानमता ।
