________________
पाइयपच्चूसो
पावसे चउमासं य, सेसकालेसु सासयं । चिटुंति एगमासं य, विणा बीयं मुणीगणा ॥४९॥ वासो सेयो ण साहूणं, ठाणे एगम्मि सासयं । अओ गीयो विहारो य, जिणेहिं णवकप्पियो ॥५०॥ जहा एगम्मि ठाणम्मि, पडियं विमलं जलं । लहेइ मइलत्तं२. य, भुवणे णिच्छियं सया ॥५१॥ तहा एगम्मि ठाणम्मि, णिवसेंतो मुणी सुई । सक्केइ साहणा-भट्ठो, होउं जिणेहि भासियं ॥५२ ॥(जुग्गं) पणामिउण३ तं ठाणं, बंकचूलं गणीसरो । पट्ठाणं मोयचित्तो य, करेइ ससीसो तओ ॥५३॥ आगओ बंकचूलो य, तेहिं तया पहाविओ । छड्डिउं णिअसीमाअ, पेरंतं य गणाहिवं ॥५४॥ जया समागया सीमा, वंदिऊण गणाहिवं । जंपेइ बंकचूलो य, गग्गरहिअयो तया ॥५५ ॥ पुणो य दंसणं देज्जा, अम्हे य करुणाणिही ! । कुणेज्जा पावणं ठाणं, इणं पुणो कयाइ य ॥५६ ॥ सोच्चा णिवेयणं तस्स, आयरियो कहेइ य । दिण्णं पावस-जुग्गं णे, ठाणं समुइयं तए ॥५७ ॥ विणा समुइयं ठाणं, णिविग्घा साहणा णहि । अओ पयस्स माहप्पं, समणाण कये सया ॥५८ ॥ ठाणम्मि वियणे कज्जं, जाव हुवेइ सासयं ।। ण होइ ताव ठाणम्मि, कोऊहलमये कया ॥५९ ॥ लहिऊण तुमे ५ ठाणं, अम्हो य मुणिणो समे । साहणं उत्तमं काही, पसण्णचेयसा सना ॥६० ।।
(१२) मलिनत्वम् (प्रा.व्या. ८/२/१३७) । (१३) अर्पयित्वा (अरल्लिव-चच्चुप्प-पणामा:-प्रा.व्या. ८/४/३९) । (१४) अस्माकम् । (१५) तव ।
