________________
पाइयपच्चूसो
पसत्थी संपइ जेणधम्मम्मि, पमहरूवेण दुवे संपदाया । एगो किर दिगंबरो, बीओ सेअंबरो विलसइ ॥१॥ सेयंबरेसं तिहा, संति पमहरूवेण संपदाया । मंदिरमग्गी ठाणयवासी तेरापहो य वरो ॥२॥ तेसु लोए विस्सुओ, तेरापहो अहुणा एगत्तेण ।। होइ तम्मि एगो च्चिअ, आयरिओ सव्वेसि पमुहो ॥३॥ पेसेइ जत्थ मुणिवो, वच्चेति तत्थ सहरिसं हु समणा । जं कुणिउं सो कहेइ, तं कुव्वेंति समे साहुणो ॥४॥ सव्वे साहुणो तत्थ, हुंति आयरियस्स च्चिअ सइ सीसा । ण को वि करेइ साहू, कं वि कयावि णिशं विणेयं ॥५॥ तेरापहस्स तस्स त्थि, पढमो आयरियो खलु सिरिभिक्खू । आसि आयारकुसलो, वीरवयणेसु य सद्धालू ॥६॥ बीओ भारमल्लो य, तइयो रिसिरायो य बम्हयारी । चउत्थो जीयमल्लो, पंचमो किर महवारायो ॥७॥ छट्ठो माणगलालो, सत्तमो डालचंदो हु गणेसो । अट्ठमो कालुरामो, नवमो य सिरितुलसीरामो ॥८॥ दाही णिअगभारं, सो मुणिणो णथमल्लस्स विबुहस्स । परिवट्टिऊण णामं, से रक्खीअ 'महापण्णो' त्ति ॥९॥ जस्स सासणे जाओ, तेरापहो लोअम्मि य विस्सुओ । कि वण्णेमि महत्तं, गुरुणो णिअचुच्छबुद्धीए ॥१०॥ जस्स सासणे जाओ, साहूसंघे सिक्खावित्थारो । सक्कयपाइअ गिराअ, अणेगे मुणी पारंगया ॥११॥ लहिअ तेसिं पेरणं, मए विमलमुणिणा संपयं कयं । पाइअभासज्झयणं, कडा ताए इमा रयणा य ॥१२॥ णेसि कव्वाण रयणा, विभिन्नसमये विभिन्नणयरेसु य । जाया गुरुणो बलेण, णिमित्तमेत्तो हं संपयं ॥१३ ॥ विविहसिक्खाजुत्ताणि, इमाणि पढिऊण पाइयसिक्खगा य ।। जइ लाहं लहिस्संति, सहलो हुवेइ समो मज्झं ॥१४॥
इइ विमलमुणिणा विरइयो ‘पाइयपच्चूसो' समत्तो
