________________
१३१
पाइयपच्चूसो
बीओ सग्गो गामाणुगाम' इर रीयमाणो, सीसेहि सद्धिं भयवं य वीरो । मच्चा सुमग्गं सइ दंसमाणो, सो आगओ तत्थ मियाइगामे ॥१॥ सोऊण वीरस्स समागई भो!, भत्ता समायांति तयाणि तत्थ । हाउं य गंगाअ समागमाए, गेहंगणे कोण कुणेइ कंखं ॥२॥ सोच्चाण मच्चाण रवं तयाणिं, पुच्छेइ अंधो मणुयो य एगो । वच्चेति मच्चा य इमे कहिं भो !, किं को वि अत्थत्थि महसवो य ॥३॥ सोऊण वाणिं पुरिसो य एगो, साहेइ णाई य महूसवो को । सीसेहि सद्धिं भयवं य वीरो, इण्हि समाओ' णयरीअ अत्थ ॥४॥ काउं य दंसं सुणिउं य तस्स, धम्मोवएसं पुरिसा गति । अण्णं णिमित्तं अण विज्जए हु, णेसिं जणाणं गमणस्स इण्हि ॥५॥ . सोच्चाण वायं पुरिसस्स से य उक्कंठिओ सो तुरिअं हुवीअ । दंसं कुणेउं विहुणो तयाणिं, कंखेइ को णो पहुणो य दंसं ॥६॥ णेऊण लट्ठि पुरिसेण तेण, सद्धिं गओ सो विहुणो पयम्मि । काऊणं दंसं सुणिउं य लग्गो, धम्मोवएसं भयवस्स तस्स ॥७॥ सोऊण से पावयणंमणुस्सा, अप्पस्स गेहं पइ पट्ठिआ य । दट्टण तं तत्थ णरं गयक्खं, पुच्छेइ वीरं य इंदभूई ॥८॥ एआरिसो किं भवणम्मि भंते !, जम्मंधलो जो जणिअंधरूवो । मच्चो इआणि किर अत्थि को वि, साहेइ 'आम' त्ति पहू तयाणि ॥९॥ पुच्छेइ चित्तं पगओ तयाणिं, सो संपयं कुत्थ य अत्थि भो ! । बोल्लेइ वीरो णिगमस्स अस्स, रण्णो य पत्तो इर अत्थि सो य ॥१०॥ से सुगुत्तरूवेण य पालणं य, कुव्वेइ राणी य मियाभिहा य । सोऊण वीरस्स इमं य वाणिं, जंपेइ इत्थं इर गोयमो सो ॥११॥ वम्फेइ दटुं हिअयं य मज्झ, देज्जा य आणं य भवं य मज्झ । वत्थु णवीणं य णिहालिउं को, णो होइ मच्चो य समुच्छुओ य ॥१२ ।।
(१) इंदवज्रा छंद ।
(२) समागतः ।
(३)प्रवचनम् ।
