Page Text
________________
१०३
पाइयपच्चूसो
जीवो सरीराउ ण अत्थि भिन्नो, हुवेज्ज चे सो य कहं ण सक्को । सम्मं मयं मे य अओ य अत्थि, तणूअ जीवो इर णत्थि भिन्नो ॥७८ ॥ सोऊण भूवस्स इमं य वाणिं, कहेइ केसी पडिबोहमाणो । एगो य सिप्पी णवसिक्कएहिं, चाइ वोढुं इर जाव भारं ॥७९ ॥ किं ताव भारं जरसिक्कएहि, तरेइ वोढुं णिवई ! स लोए । साहेइ भूवो अण सो समत्थो, चवेइ केसी य तयाणि इत्थं ॥८० ॥
(जुग्गं) अप्पा सया होइ य एगरूवो, वउं परं होइ ण एगरूवं । बालो वयट्ठो य हुवेइ वुड्डो, परं ण अप्पा य कयाइ होइ ॥८१ ॥ सत्ती सरीरस्स कयाइ वृद्धिं, कयाइ हाणिं य गमेइ राय ! ।। भारं य वोढुं पुरिमं समत्थो, हुवेइ सो च्चेअ पुणो असक्को ॥८२ ॥ तं पच्चअं भो ! णिवई कुणेज्जा, तणूअ अप्पा इर अत्थि भिन्नो ।। सोऊण केसिस्स इमं य वाणिं, चवेइ राया पुण तं य इत्थं ॥८३ ॥ हं एगया रायसहाअ आसि, अणेगमच्चेहि समं ठिओ हु ।। णेऊण एगं किर तक्करं य, समागओ मे पुररक्खगो य ॥८४ ॥ माणं तया तस्स य जीविअस्स, मए तया तोलिअ मारिओ सो । पच्छा पुणो तस्स मयस्स माणं, मए पुणो हंद य तोलिअंय ॥८५ ॥ माणे तया तस्स ण को वि भेओ, समागओ तत्थ मये य जीए । जाया तया मे सुदिढा य भावा, तणूअ अत्ता इर अत्थि भिन्नो ॥८६॥ तणूअ अप्पा जइ होज्ज भिन्नो, तयाणि माणम्मि हुवेज्ज भेओ । भेओ य जाओ ण परं य किंचि, अओ विआरो सुदिढो य मझं ॥८७ ॥ सोऊण भूवस्स इमं य वाणिं, चवेइ केसी पडिबोहमाणो । चम्मस्स दिलै मसगं तए किं, कयाइ कंपाङ्क पपूरिअं य ॥८८ ॥ सोऊण केसिस्स इमं य पण्हं, कहेइ 'आम' ति गिरं तयाणि ।। पुच्छेइ केसी य पुणो वि इत्थं, समीररिक्के ८ उअ वाउपुण्णे ॥८९ ॥ भेओ तया किं मसगप्पमाणे, हुवेइ भूवो पिसुणेइ णाई केसी तया तं पडिबोहमाणो, चवेइ इत्थं महुरं य वाणिं ॥९० ॥
(जुग्ग) (१७) वायुप्रपूरितम् (१८) समीररिक्ते ।
| SR No. | 006164 |
| Book Title | Paia Pacchuso |
| Original Sutra Author | N/A |
| Author | Vimalmuni |
| Publisher | Jain Vishva Bharati |
| Publication Year | 1996 |
| Total Pages | 172 |
| Language | Sanskrit, Hindi |
| Classification | Book_Devnagari |
| File Size | 10 MB |