________________
पाइयपच्चूसो
णिवेऊण य सामीणं, वंदेऊण तयाणि तं । वच्चेइ सो य सावत्थि, चित्तो पंफुल्लमाणसो ॥५० ॥ सावत्थीए वसित्ताणं, कईवाह दिणा तया । केसीसामी विहारं य, कुणेइ मुअचेयसा ॥५१ ॥ गामेसु विहरंतो य, सेयंबिअं पुरि दुअं । आगमेइ ससीसो सो, केसी माणवतारगो ॥५२ ।। समागंतूण उज्जाणे, सेयंबिआअ बाहिरं । णेऊण वारपालेण, अणुमइं ठिओ तहिं ॥५३ ॥ आगयं तं य दट्ठण, तया दुवारपालगो । वंदेइ य नमसेइ, भत्तिब्भरहिएण तं ॥५४॥ लभ्रूण संथवं तेसिं, सो य पसण्णमाणसो । चित्तसारहिणो पासे, गंतूण से णिवेयए ॥५५ ॥ कंखीअ दंसणं जस्स, भवाण संपयं इह । सो इह आगओ सामी, केसीणामेण विस्सुओ ॥५६ ॥ सोच्चा दुवारपालेण, केसीसामिस्स आगई । लभ्रूण सारही मोअं, तक्खणं तत्थ आगओ ॥५७ ॥ वंदिऊण य भत्तीए, बोल्लेइ वयणं इणं । लभ्रूण दंसणं तुज्झ, धण्णो म्हि संपयं अहं ॥५८ ॥ सोऊण केसिसामीण, आगमणं जणा तया ।
अहमहमिआए य, आगमेंति तहिं दुअं ॥५९ ॥ विसालं परिसं तं य, केसी माणवतारगो । पावयणं५ सुणावेइ, पावमलिणहारगं ॥६० ॥ पवयणं सुणेऊण, जणा गिहं तया गया । चित्तो तेसिं य पासम्मि, आगंतूण णिवेयए ॥६१ ॥ भूवो अहम्मिओ मज्झ, पएसीणामधारगो । जइ भवं य तं धम्म, सुणावेज्ज इणं तया ॥६२ ॥ . होहिइ पउरो लाहो, विस्सासो त्ति य माणसे । चित्तस्स वयणं सोचा, केसी इमं य साहइ ॥६३ ॥ (जुग्गं)
(१५) प्रवचनम् (घज् वृद्धेर्वा प्रा.व्या. ८ ।१।६८) इति सूत्रेण पावयणं, पवयणं द्वौ भवतः ।
