________________
पाइयपच्चूसो
तत्थ गंतूण वंदेइ, तयाणिं तं महामुणिं । काऊण दंसणं तस्स, धण्णं मण्णइ अप्पयं ॥२५॥ पच्छा पावयणं सोउं, चिट्ठेइ सारही तहिं । देइ धम्मोवएसं य, तया केसी महामुणी ॥२६ ।। सोऊण माणवा सव्वे, गया णिअगिहं तया । चित्तो तस्स य पासम्मि, आगंतूण णिवेयए ॥२७॥ हं अणगारधम्मं णो, पडिसोउं य पच्चलो । अओ अगारधम्मं हं, पडिसुणेमि संपयं ॥२८॥ सोऊण तस्स वाणिं णं, साहेइ सो महामुणी । माइं° सुहे विलंबं तं, कुणेज्ज इर संपइ ॥२९॥ घेत्तूण मुणिणो पासे, अणुव्वयाणि सारही । आगमेइ णिअट्ठाणे, पसण्णमाणसो तया ॥३०॥ पालेइ दिढचित्तेण, सद्धापूरिअचेयसा । गहियाई वयाइं सो, पमायं णो कुणेइ य ॥३१॥ कइवाह दिणा वीआ, तत्थट्ठिअस्स तस्स हु । एगया जियसत्तू तं, समाहूय चवेइ णं ॥३२॥ णेऊण पाहुडं एअं, सेअंबियपुरिं वय । इमं य पाहुडं देज्जा, पएसिणिवइस्स य ॥३३ ॥ पुच्छेज्जा कुसलं सव्वं, साहेज्जा कुसलं य मे । कहेऊण इमं वाणिं, ससम्माणं विसज्जइ ॥३४॥ णेऊण पाहुडं चित्तो, आगमेइ णिअं पयं । सज्जीभूय तओ पच्छा, सावत्थिं पइ पट्ठिओ ॥३५ ।। मियवणम्मि उज्जाणे, केसिसामिपये तया । आगमेऊण वंदेइ, णिवेयए इणं वयं ॥३६ ॥
(९) समर्थ: (पक्का सहा... पाइयलच्छी नाममाला-५२) । (१०) माइं मार्थे (प्रा. व्या.८१२।१९१) । (११) कथयति ।
