Page Text
________________ સરોવરના ઘાટ ઉપર. 135 ધીને કહ્યું. “એવું માનવામાં તમારી મોટી ભૂલ થાય છે. હજી આપણે ઘણા બળવાન રાજાઓની સાથે યુદ્ધમાં ઉતરવું પડશે; એટલું જ નહિ પણ તે સાથે અંદરોઅંદરની તકરારનાં સમાધાન માટે પણ કદાચ લડવું પડશે. " અંદરોઅંદરની તકરારને માટે આપણે કદાચ તલવાર ખેંચવી પડે, એ તમારું કથન ખરું છેપરંતુ બીજા બળવાન રાજાઓની સાથે યુદ્ધમાં ઉતરવાની તમે જે વાત કરે છે, તે મારા સમજવામાં આવતી નથી. એવા બીજા કયા બળવાન રાજાઓ છે કે જે આપણું સામે માથું ઉચકી શકે ? " ચાહો નાગડની એક વાતને સ્વીકાર કરીને બીજી વાતના ખુલાસા માટે પ્રશ્ન કર્યો. નાગડ ચાહડને પ્રશ્ન સાંભળીને હસ્ય. સાંજના આછા પ્રકાશમાં ચાહડે તે જોયું; પરંતુ તે કાંઈ બોલ્યો નહિ. નાગડે ઉત્તર આપતાં કહ્યું. “ચાહડ મહેતા ! રાજના મંત્રી અને રાજાના ખાસ કૃપાપાત્ર માણસ થઇને તમે મને આ પ્રશ્ન પૂછો છો, એ મેટા આશ્ચર્યની વાત છે! સૌરાષ્ટ્ર, ભદ્રેશ્વર, ભરૂચ અને ખંભાતના નાના રાજાઓને આપણે હરાવ્યા, એથી શું તમે એમ માને છે કે હવે બીજા મોટા રાજાઓની સાથે આપણે વિગ્રહ માંડ નહિ પડે ?" “ના, એમ તે નહિ; પરંતુ હું એટલું જ જાણવા માગું છું કે એવા મોટા રાજાઓ ક્યા છે કે જેની સાથે આપણે લડાઈ કરવી પડશે ?" ચાહડે આતુરતા પૂર્વક પૂછયું. “એક તે દક્ષિણને યાદવ રાજા સિંઘણુ અને બીજે દિહીને મુસલમાન બાદશાહ” નાગડે તરત જ ઉત્તર અ . “સિંઘણુ શું એટલે બધે બળવાન છે કે તે ગુજરાત ઉપર ચડી આવવાનું સાહસ કરે અને આપણે તેને મહાત કરી શકીએ નહિ ?" ચાહડે પુનઃ આતુરતાથી પૂછ્યું. નાગડે જવાબ આપવાને બદલે સામે પ્રશ્ન કર્યો. “શું તમે સિંઘણનાં બળ અને શૌર્ય વિષે કાંઈ સાંભળ્યું નથી? તેણે છત્રીસગઢ પ્રાંતના અધિપતિને, ત્રિપુર, ધાર, માળવા, મથુરા, કાશી ઈત્યાદિના રાજાઓને અને લક્ષ્મીધર તથા બલ્લાળ જેવા મહારથી નૃપતિઓને હરાવીને તેમના ઉપર વિજય મેળવ્યું છે, એ શું તમારા જાણવામાં આવ્યું નથી ? સિંઘણ પિત, તેના સામતે અને તેની સેના શુરવીર, બળવાન અને યુદ્ધકળા વિશારદ છે અને તેથી જે તે ગુજરાત ઉપર ચડી આવે, તે તેને મહાત કરવાનું કાર્ય આપણને ઘણુંજ કઠિન થઈ પડે તેમ છે. "
| SR No. | 006162 |
| Book Title | Veer Shiromani Vastupal Part 02 |
| Original Sutra Author | N/A |
| Author | |
| Publisher | |
| Publication Year | |
| Total Pages | 200 |
| Language | Gujarati |
| Classification | Book_Gujarati |
| File Size | 13 MB |