Veer Shiromani Vastupal Part 01

SR No.: 006161
Original Sutra Author: N/A
Total Pages: 196
Language: Gujarati
Classification: Book_Gujarati
File Size: 14 MB

Page 78

વિરશિરોમણી વસ્તુપાલ. નીમવાને અમારી ઈચ્છા થયેલી છે અને અમારી આ ઇચ્છાને તમે સ એ સંમતિ આપવાથી હું વસ્તુપાલન મુખ્ય પ્રધાન અને તેજપાલને મુખ્ય સેનાપતિનાં પદે નિયત કર્યાનું જાહેર કરૂં છું.” એ પ્રમાણે જાહેર કરીને તેણે વસ્તુપાલ તથા તેજપાલ તરફ જોઈને કહ્યું. “અને આ મે આશા રાખીએ છીએ કે તમે બને બંધુઓ રાજ્ય અને પ્રજાનું હિત વિચારીને તથા તથા તમારી જવાબદારીને ખ્યાલ કરીને સમસ્ત ગુજરાતની રાજકીય ઉન્નતિ કરવાને આપણે જે આશય છે, તેને ફલીભૂત કરી બતાવવા સદૈવ જાગૃત રહેશો.” - તે પછી વિરધવલે તેમના માટે લાવી રાખેલે પોશાક તેમને આ છે અને તેનો સહર્ષ સ્વીકાર કરીને વસ્તુપાલે કહ્યું “યુવરાજશ્રી અને મહામંડલેશ્વર! ધવલક્કપુરનાં નવા રાજ્યતંત્રનાં માનનીય પદે અમને નિયુક્ત કરવાની આપે અમારી ઉપર જે કૃપા કરી છે, તે માટે અમે બ ને બંધુઓ આપના અત્યંત આભારીએ છીએ. આપે અમારામાં જે વિશ્વાસ અને આશા દર્શાવ્યાં છે, તેને માટે અમે આપને મુખની નહિ; કિન્તુ વર્તનની ખાતરી કરી બતાવવાના હોવાથી તે સંબંધમાં હું કાંઈ વધારે બોલવાનું ઉચિત માનતો નથી, તે છતાં એટલું કહેવાનું હું યોગ્ય માનું છું કે આપના રાજ્યતંત્રનો અધિકાર પામીને અમારે રાજ્યભવનના ભંડારની સાથે પાટણની અને સમસ્ત ગુજરાતની પ્રજાની સર્વ પ્રકારે ઉન્નતિ કરવાની છે, અન્યાય દૂર કરવાનો છે, ન્યાયનું રાજ્ય જમાવવું છે અને જે રીતે રાજા અને પ્રજા ઉભયનું કલ્યાણ થાય એ રીતે વર્તવાનું છે. હવે અમે આપની કૃપાને સ્વીકાર કરીએ, તે પહેલાં આપે અમને એક વચન આપવું પડશે અને તે એ છે કે હાલ અમારી પાસે ત્રણ લાખ દ્રવ્ય છે, એ આપને જાહેર કરીએ છીએ, તે એટલા માટે કે જ્યારે કેઈ દુર્જન મનુષ્યનાં કથનથી આપનાં હૃદયમાં અમારી ઉપર વિપરિતભાવ પેદા થાય, ત્યારે આપની ઈચ્છા પ્રમાણે અમારી પાસે અત્યંત દુસહ શરત કરાવીને તે દ્રવ્ય અને અમારા પરિવાર સાથે અમને મુક્ત કરવા.” આ વસ્તુપાળનું કથન સંપૂર્ણ થયું કે તુરતજ વરધવલે સ્મિતપૂર્વક કહ્યું. “વસ્તુપાલજી! એ સંબંધમાં તમારે કોઈ પણ પ્રકારની ચિંતા રાખવાની નથી, એમ હું શુદ્ધ અંતઃકરણથી કહું છું અને તમારી માગણી પ્રમાણે વચન પણ આપું છું. હવે તો તમને સંતોષ થયે ને ? આપની કૃપાથી અમને સંતોષજ છે.”વસ્તુપાલે વિનયથી કહ્યું.