________________
तथा बली को आर्य्यां रो विजोग पड्यां न कल्पे जद संलेखणा मंडणो । साध कहै जठे चोमासो करणो । साध कहै जठे सेषे काळ रहणो । ए तीजो चोथो पांचमो बोल । ए पिण मर्यादा सर्व आय रे जांणवी ।
तथा बली कह्यो - ऊभी नै कीड़ी न सूजै जद संलेखणा मंडणो । विहार करण री सगत नहीं जद संलेखणा मंडणो । ए पहलो दूजो बोल- ए मर्यादा सर्व आर्य्यां रे नहीं । ते इम सर्व भीखू लिखत मर्यादा, परम्परा, सूत्र अनुसारे तथा बड़ा री धारणा प्रमाणे जांण लेणो जीत ववहार बडां रो बांध्यो । आचार्य री मर्यादा सर्व अखंड पाळणी ।
तथा पैंताळीसा रा लिखत में एहवो कह्यो - टोळा मांहे कदाच कर्म जोगे टोळा बारे पड़े तो टोळा रा साध साधवियां रां अंसमात्र अवर्णवाद बोलण रा त्याग छै । यां री अंसमात्र संका पड़ै आसता उतरे ज्यूं बोलण रा त्याग छै। टोळा माहै सूं फाड़ नै साथे ले जावा रा त्याग छै । उ आवै जावरा त्याग छै । टोळा माहै न बारै नीकळ्यां पिण ओगुण बोलण रा त्याग छै । इम पेलां री परती कर नै मांहोमां मन फटै ज्यूं बोलण रा त्याग छै । इम पैंताळीसा रा लिखत में कह्यो । ते भी सासण री गुणोत्कीर्तन रूप बात करणी । भागहीण हुवै सो उतरती करै । तथा भागहीण सुणे, सुणी आचार्य नै न कहै ते पिण भागहीण । तिण नै तीर्थंकर नो चोर कहणो, हरामखोर कहणो, तीन धिकार देणी ।
आयरिए आराहेइ, समणे यावि तारिसो। गिहत्था विणं पूयंति, जेण जाणंति तारिसं॥ आयरिए नाराहेइ, समणे यावि तारिसो। गिहत्था वि णं गरहंति, जेण जाणंति तारिसं ॥ इति 'दशवैकालिक में कह्यो । ते मर्यादा आज्ञा सुध आराध्यां इह भव पर भव में सुख कल्यांण हुवै।
१. दसवे आलियं, ५।२।४५,४०
उन्नीसवीं हाजरी : २८७
