Page Text
________________
અરિહંતાદિક પદની પ્રાપ્તિનું એ તપ સાચું કારણ છે, તેથી મન-વચનકાયાથી ભાવપૂર્વક પોતપોતાની શક્તિ પ્રમાણે એ તપ કરવો અને પરમાત્માની પૂજા-ભક્તિ કરવી. ૩
નિર્મળ એવા ત્રણ પીઠ (પાટલા)નું ઉપરા ઉપર સ્થાપન કરીને તેની ઉપર વીશ તીર્થંકરના બિંબનું સ્થાપન કરીએ અને પછી પૂજાના તમામ ઉપકરણો ભેગા કરી પૂરેપૂરી રીતે તેમની પૂજા કરીએ. ૪
વીશસ્થાનકમાંથી એકેક પદનું સારી રીતે વર્ણન કરી, પછી તેની પાંચ પ્રકારે, આઠ પ્રકારે, એકવીશ પ્રકારે અને સત્તર પ્રકારે ઉદારપણે પૂજા કરીએ. ૫
પરમાત્માની આજ્ઞાને મસ્તકે ધારણ કરીને પ્રથમ આઠ જાતિના કળશો નિર્મળ જળથી ભરીએ અને પછી ક્રમસર વીશે સ્થાનકને પૂજીએ. જે એ પ્રમાણે પૂજા કરે છે તેના દુરિત-પાપનો પ્રચાર થઈ શકતો નથી અર્થાત્ તેના પાપનો નાશ થાય છે. ૬ શ્રેષ્ઠ એવા પાંચ પરમેષ્ઠિમાં ભગવાન અરિહંત પરમેશ્વર મુખ્ય છે. તેને નામ-સ્થાપના-દ્રવ્ય અને ભાવરૂપ ચારે નિક્ષેપોવડે ધ્યાઈએ અને જિનેશ્વરૂપ સૂર્યને વારંવાર નમસ્કાર કરીએ. ૭
ઢાળ
(આદિજિણંદ મયા કરે – એ દેશી)
શ્રી અરિહંતપદ ધ્યાઈએ, ચોત્રીશ અતિશયવંતા રે; પાંત્રીશ વાણીગુણે ભર્યા, બાર, ગુણે ગુણવંતા રે. શ્રી. ૧ અડહિય સહસ લક્ષણ દેછે, ઈંદ્ર અસંખ્ય કરે સેવા રે; ત્રિહું કાળના જિન વાંદવા, દેવ પંચમ મહાદેવા રે. શ્રી. ૨ પંચકલ્યાણક- વાસરે, ત્રિભુવન થાય ઉદ્યોત રે; દોષ અઢાર રહિત પ્રભુ, તરણતારણ જગ પોત રે. શ્રી. ૩ ષટ્કાય ગોકુળ પાળવા, મહાગોપ કહેવાય રે; દયાપડહ વજડાવવા, મહામાહણ જગતાય રે. શ્રી. ૪ ભવોદધિ પાર પમાડતા, ચોથો વર્ગ દેખાવે રે; ભાવનિર્યામક ભાવિયા, મહાસત્થવાહ સોહાવે રે. શ્રી ૫ અસંખ્ય પ્રદેશ નિર્મળ થયા, છતી પર્યાય અનંતા રે; નવનવા જ્ઞેયની વર્તના, અનંત અનંતી જાણતા રે. શ્રી. ૬ પિંડ પદસ્થ રૂપસ્થમાં, દ્રવ્ય-ગુણ-પર્યાયે ધ્યાય રે; દેવપાળાદિ સુખી થયા, સૌભાગ્યલક્ષ્મીપદ પાયા રે. શ્રી. ૭
| SR No. | 006144 |
| Book Title | Ghadvaiya |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 2009 |
| Total Pages | 198 |
| Language | Gujarati |
| Classification | Book_Gujarati |
| File Size | 6 MB |