________________
ઉમળકાભેર વધાવી ગિરનાર તીર્થની યાત્રા કરવા તીર્થના થયેલા જિર્ણોદ્ધારના કામને બતાડવા ઉપર લઈ ગયા. સ્થળે સ્થળે કરેલા અનુમોદનીય કાર્યની રૂપરેખા આપી, રાજા જાત્રા કરી બાવીસમાં તીર્થપતિના દર્શન કરાવી પાછા નગરીમાં આવ્યા.
રાજસભા ભરાઈ હતી. નગરીના પ્રમુખ શ્રીમંતો રાજાને ભેટણા આપી બેઠા હતા. સાજનદેએ પ્રશ્ન કર્યો, મહારાજાધિરાજ ! ગિરનાર તીર્થનો જિર્ણોદ્ધાર થયો, તીર્થનું આયુષ્ય વધાર્યું તે કાર્ય આપને કેવું લાગ્યું ? રાજાથી બોલાઈ ગયું, કાર્ય અનુમોદનીય થયું. ધન સુકૃતનું હોય તોજ આવું કામ કરવું સુઝે. ધન્ય છે એ ધન અને એનો સદુપયોગ કરનારને !
બસ, સાજનદેએ વિનંતી કરી કે, આપની હુકૂમતમાં રહેલા આ તીર્થનો આપના વતી જિર્ણોદ્ધાર થયો છે. હવે આપ નામદારને ધન જોઈએ છે કે તીર્થના જિર્ણોદ્ધાર દ્વારા તીર્થરક્ષાનું તીર્થભક્તિનું પુણ્ય ?
રાજા સિદ્ધરાજે પુણ્ય માગ્યું. પ્રજાએ રાજાની ઉદાર ભાવનાની મુક્ત મને પ્રશંસા કરી. આનું જ નામ શઠ કામને બગાડે અને અશઠ કામને સુધારે.
અંતે એક વાત જીવનમાં હૃદયમંદિરે લખી રાખવી કે, જ્યાં સુધી ભાગ્યનો સિતારો ચમકે છે ત્યાં સુધી પાપી કે માયાવીના કરેલા પ્રયત્નો બધા નિરર્થક જવાના છે. અગ્નિ ને પાણી પરસ્પર વિરોધી પણ છે અને ઉપકારક પણ છે. અગ્નિ-પાણીને ગરમ કરે છે, જ્યારે પાણી અગ્નિને ઠારે છે. એવી જ પરિસ્થિતિ શઠ-અશઠની છે. શઠ-અશઠની ગમે તેટલી કસોટી કરે, મશ્કરી કરે તો પણ ઉદાર વૃત્તિવાળા અશઠ શઠની દયા ચિંતવશે, ભલું ઈચ્છશે, સન્માર્ગે વાળવા પ્રયત્ન કરશે.
你
૪૧
