________________
રક્ષા ઉપરોક્ત પૂ.સા.શ્રી તત્વશીલાશ્રીજીની પાસે સંયમની ભાવનાથી ધાર્મિક અભ્યાસ કરી રહેલ છે.
મંગાભાઇનું કુટુંબ પાટડી ગામના દરવાજા બહાર વસતું હોઇ ત્યાંથી પસાર થતા જૈન સાધ્વીજીઓને જોઇને ઉપરોક્ત ચારે આત્માઓને અનુમોદના થતી કે અમે પણ ક્યારે આવા ધોળા કપડાવાળા સાધ્વીજી બનીએ! યાદી ભાવના તાદશી સિધ્ધિ: અને સાધૂનાં વર્ણને પુછ્યું, તીર્થભૂતા હિ સાથવ: એ સૂક્ત મુજબ સત્સંગના પ્રભાવે તેમની ભાવના સાકાર બની.
ધન્ય છે તેમના માતા પિતાને કે જેમણે જીવદયાનો ધર્મ પાળ્યો અને તેના પુણ્ય પ્રભાવે સંતાનો સંયમી બન્યા !
પશુસેવા, માનવસેવા તથા સંતસેવા, નિયમિત પ્રભુ દર્શન, સતત નવકાર સ્મરણ આદિના કારણે 'ભગત' તરીકે ઓળખાતા મંગાભાઇ આજે પાર્થિવ દેહે હયાત નથી( ૧૮ વર્ષ પહેલાં તેમનો દેહવિલય થયો) પરંતુ તેમના સુપુત્ર રણછોડભાઇ આજે પણ પિતાજીના પગલે પગલે કૂતરાઓના રોટલા માટે લોટની ઝોળી ગામમાં ફેરવી પશુસેવા કરી રહ્યા છે. ગામમાં દર વર્ષે જ્યારે પણ રથયાત્રા વરઘોડો નીકળે ત્યારે રથમાં જોડવા માટે પોતાના બળદો નિઃસ્વાર્થ ભાવે આપવાનો લાભ રણછોડભાઇ જ લે છે.
૬
૬૦ વર્ષની ઉંમરે મંગાભાઇ એ શત્રુંજય મહાતીર્થની ૬ ગાઉની પ્રદક્ષિણા ફા.સુ.૧૩ના કરી હતી. મંગાભાઇની અંતિમ સમાધિના સ્થાને ગામલોકોએ દેરી બનાવીને તેમના પગલા સ્થાપિત કર્યા છે. જીવમાત્રની સેવા દ્વારા મંગાભાઇએ કેવી અદ્ભુત લોકચાહના પ્રાપ્ત કરી હશે તે આના ઉપરથી સમજી શકાય છે.
ખરેખર માણસ જન્મથી નહિ પરંતુ કાર્યોથી જ મહાન બની શકે છે. મંગાભાઇના જીવનમાંથી પ્રેરણા મેળવીને સહુ જીવો નિઃસ્વાર્થ સેવાને પોતાનો જીવનમંત્ર બનાવે એ જ શુભ ભાવના.
૫૪
