Page Text
________________
રમતાં આયુષ્ય પૂર્ણ કરી અનુત્તર દેવલોકમાં ગયા. મહાવિદેહમાં જન્મ લઈ મોક્ષે જશે શ્રી ધન્નાજી તથા શાલિભદ્ર મુનિના ચારિત્રના શુભ પરાક્રમને ભાવથી અનુમોદું છું.
(૧૦) અચલ ગ્રામમાં પાંચ કુટુંબિકો (કુટુંબના મુખ્ય પુરુષ) તપસ્વી મુનિના દર્શનથી પ્રતિબોધ પામ્યા. શ્રી વાસુપૂજ્ય સ્વામીના તીર્થમાં યશોધર મુનિની પાસે ચારિત્રલીધું. અનુક્રમે કનકાવલિ, મુક્તાવલિ, રયણાવલિ, સિંહનિષ્ક્રીડિત, અને વર્ધમાન આયંબિલ તપ કર્યો. શિલાતલ ઉપર અનશન કરીને કાળધર્મ પામી પાંચે અનુત્તર દેવલોકમાં ગયા. ત્યાંથી પાંચ પાંડવ તરીકે પાંડુ રાજાના પુત્રો થયા. કૃષ્ણનું મૃત્યુ સાંભળી ચારિત્ર લીધું. મોટા યુધિષ્ઠિર ચૌદપૂર્વી તથા બાકીના અગિયાર અંગધારી થયા. માસક્ષમણના પારણે માસક્ષમણ કરે છે. વિચરતા સૌરાષ્ટ્રમાં પધાર્યા. નેમિનાથ
સ્વામીનાં દર્શન કરીને માસક્ષપણનું પારણું કરવાના ભાવથી ગિરનાર તરફ ચાલ્યા. રસ્તામાં પ્રભુજીનું નિર્વાણ સાંભળતાં ખેદ પામી શત્રુંજયે ગયા. ત્યાં અનસન કરીને કેવળજ્ઞાન પામીને મુક્તિએ ગયા. તેઓની આરાધનાને ભાવથી અનુમોદું છું...
(૧૧) સુકોશલ મુનિ પોતાના પિતા કીર્તિધર સાથે પર્વત ઉપર ચિત્રકૂટમાં કાઉસ્સગ ધ્યાને રહ્યા છે. વૈરિણી માતા મૃત્યુ પામીને વાઘણ બનેલી છે. મુનિને જોતાં જ વેષ ભભૂકી ઉઠયો. મુનિ ઉપર હુમલો કર્યો, થોડીવારમાં મુનિને ફાડી નાખ્યા. પ્રાણાંત કણમાં સમાધિને જાળવી શુભ ધ્યાનમાં કેવળજ્ઞાન પામી, મુક્તિએ ગયેલા શ્રી સુકોશલ મુનિની ક્ષમાને ભાવથી અનુમોદું છે.
(૧૨) અરણિક મુનિવરે બાળપણમાં માતા સાથે ચારિત્ર લીધું. મોહના ઉદયથી પતન થયું, પણ માતાના કલ્પાંતથી પુનઃ ચારિત્ર લઈ તુરત જ શિલા તલ ઉપર સખત ગરમીમાં સંથારો કરી દેહને ઓગાળી નાખ્યો અને શુભ ધ્યાનમાં આરાધના કરી સ્વર્ગ સિધાવ્યા તે મહામુનિના તીવ્ર પ્રાયશ્ચિત્ત ભાવને અનુમોદું છું.
(૧૩) વજસ્વામીજી ત્રણ વર્ષની ઉમરે રાજદરબારમાં ક્સોટી વખતે માતાએ બતાવેલ લાલચોથી લલચાયા નહીં. પિતા મુનિ પાસેથી રજોહરણ લઈ રાજસભામાં નાચી ઊઠયા, ચારિત્ર લીધું. સાધ્વીઓના મોઢેથી સાંભળી ૧૧ અંગ મોઢે કર્યા, દેવોની પરીક્ષામાં પાસ થઈ આકાશગામિની તથા વૈકિય લબ્ધિ મેળવી શાસનની અદ્ભુત પ્રભાવના કરી. અંતે પાંચસો મુનિ સાથે રથાવર્ત પર્વત ઉપર જઈ અનશન કર્યું અને પાંચસો મુનિઓ સાથે સ્વર્ગમાં ગયા, તેઓની આરાધનાને ભાવપૂર્વક અનુમોદું
(૧૪) કાકંદી નગરીના ભદ્રા સાર્થવાહિનીના પુત્ર ધન્નાજી દોગંદક દેવ જેવી
T બહુરના વસુંધરા-ભાગચોથ ૧૭૦]TSTSTSTH
E
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |