________________
કાંઇક આવો જ સંદેશો આપણને આપી જાય છે.
હઠીજીને પૂછો તો એ પણ કહેશે કે જેસલ જાડેજાની માફક મેં તમામ પાપો કર્યા છે. આંગણવાડા અને આજુબાજુના તમામ ગામોમાં આ હઠીજીની હાક વાગતી. દારુ તો તે એક સાથે પાંચ સાત લીટરનું કેન સીધુંજ મોઢે માંડીને પીતા અને દારુનો વેપાર કરતા. પરંતુ કોઇ ધન્યપળે હઠીજીના જીવનમાં ગજબનું પરિવર્તન આવ્યું.
અત્યારે હઠીજી આંગણવાડા ગામમાં પ્રથમ પંકિતની વ્યક્તિ ગણાય છે. જીવદયા તો હવે જૈનથીય આગળ વધે એવી છે.તેમના ખેતરમાં સસલા, તેતર, મોર નિર્ભય રીતે રહે છે. આ હઠીજી કીડી જેવા ઝીણાં જીવજંતુની પણ ખૂબ જયણાં કરે છે. જૈનદેરાસરમાં સવાર-સાંજ નિયમિત જાય છે.આરતી બોલવી અને ઉતારવી તેમનો નિત્યક્રમ છે. નાહી ધોઇને પૂજા કર્યા સિવાય મોઢામાં કંઇપણ લેતા નથી. ચકલાને રોજ દાણા નાખે છે અને ઢોરોને પાણી પીવા માટે સ્પેશ્યલ હવાડો બનાવેલ છે. ગામમાં લાઇટ જાય અને પાણીની તકલીફ પડે ત્યારે આ હઠીજી આખા ગામને પોતાનું ઓઇલ એન્જીન ચલાવીને પાણી પૂરું પાડે છે.
જે હઠીજીને કોઇ શેર મીઠું ન આપતા તેને આજે સવાલાખ રુપિયાનું ધીરાણ કરનાર પણ મળ્યા છે. એમનું ઘર નંદનવન જેવું લાગે. ભગવાનને પ્રક્ષાલના દૂધ માટે ખાસ ગાય રાખી છે. ને ગાયનું દૂધ દેરાસરમાં ફ્રી આપે છે. એમના વર્તનમાં નીતિમત્તાનું ધોરણ ખૂબ ઊંચું જોવા મળે છે. તે પૂર્ણ શાકાહારી છે. જે શાકાહારી નથી હોતા એવા એમના કુટુંબીઓને ત્યાં પાણી પણ પીતા નથી કે ખાતા નથી. થોડું ભણેલ હોઇ હઠીજી ધાર્મિક પુસ્તકો વાંચવામાં ખૂબ રસ ધરાવે છે. તેઓ તમામ વ્યસનોથી મુક્ત છે. અને લોકોને પણ વ્યસનો છોડવા આગ્રહ કરે છે. આ વ્યક્તિને જો બરાબર પ્રોત્સાહિત કરવામાં આવે તો તેઓ તેમની રીતભાત અને વર્તન દ્વારા અનેકને અનુકરણીય બની શકે.
૨૬
