Page Text
________________
વ્રત-નિયમોને પ્રસન્નતાથી સ્વીકારવા માટે હાથ જોડીને ઊભા થતાં જોવા એ પણ જીવનનો અદ્ભુત લ્હાવો ગણાય છે. સેંકડો - હજારો યુવાનોએ જેમની પાસે નિખાલસતાપૂર્વક પોતાના જીવનની બ્લેક ડાયરીના તમામ પાનાઓને ખુલ્લા મૂકી દઈને, ભવ આલોચના પ્રાયશ્ચિત્ત સ્વીકારીને આત્માને પવિત્ર બનાવ્યો છે સ્કૂલો-કોલેજો-યુનિવર્સિટીઓ ઉપરાંત જેલોમાં પણ જેમના પ્રવચનોએ કેદીઓ ઉપર કામણ કર્યું છે અને દારૂ-માંસ આદિ ૭ મહાવ્યસનોના સકંજામાંથી તેમને સદાને માટે મુક્તિ અપાવી છે. આધુનિક આકર્ષક શૈલિમાં લખાયેલા જેમના સંખ્યાબંધ પુસ્તકોએ આજની યુવાપેઢીને સદ્ધાંચનનું ઘેલું લગાડ્યું છે અને એ પુસ્તકોએ કૈ’કના જીવનમાં “ટર્નીંગ પોઈન્ટ” લાવી દીધું છે. વળી જેઓ માત્ર કોરા વિદ્વાન્ કે વાચાળ વક્તા જ નથી પરંતુ સાથે સાથે સુસંયમી પણ છે. એવા મહાત્માઓનો વિચાર કરીએ ત્યારે શ્વે. મૂ. પૂ. તપાગચ્છના એક જ સમુદાયના ત્રણ-ત્રણ પદસ્થ મહાત્માઓ તરત નજર સમક્ષ તરી આવે છે. કહો જોઉં કોણ હશે એ મહાત્માઓ ?...
અન્ય સમુદાયોમાં પણ કોઈ કોઈ વિરલા વિદ્વાન-વક્તા-લેખક-સંયમી મુનિવરો છે. કેટલાક્માં વકતૃત્વશક્તિ મધ્યમ પ્રકારની છે પરંતુ લેખન શક્તિ અદ્ભુત છે. સિદ્ધહસ્ત લેખક એવા તેમની કલમથી આલેખાયેલા પુસ્તકને એકવાર હાથમાં ઉપાડીએ એટલે એકી બેઠકે પૂરું કરીને પછી જ ઊઠવાનું મન થાય !... કેટલાક મહાત્માઓના દૈનિક પ્રવચનોમાં પણ આખો હોલ ચિક્કાર ભરાઈ જતો હોય છે. આવી રીતે સંયમની સાધના દ્વારા સ્વોપકાર સાથે વિવિધ શક્તિઓ દ્વારા વિશિષ્ટ પરોપકાર અને શાસન પ્રભાવના કરી રહેલા સહુ મહાત્માઓની ભૂરિશઃ હાર્દિક અનુમોદના.
૨૯: આજીવન મૌન વ્રત
જૂનાગઢ જિલ્લાના પરબ વાવડી ગામે સં. ૧૯૬૯માં જન્મીને ૨૦ વર્ષની વયે સ્થાનકવાસી સમુદાયમાં દીક્ષિત થયેલા એક મહાત્માએ પોતાના જીવનમાં નીચે મુજબ અનુમોદનીય આરાધના કરેલ છે. (૧) સળંગ ૧૪ વર્ષ મૌન સાથે જાપ.
(૨) સળંગ ૧૯ વર્ષ વર્ષીતપ.
(૩) સળંગ ૩ વર્ષ પોલી અમ (૪) સળંગ ૩ વર્ષ છઠ્ઠથી વર્ષીતપ.
બહુરત્ના વસુંધરા ભાગ ત્રીજો = ૪૮
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |