Page Text
________________
હતી તે ખરેખર અનુમોદનીય હતી. નવા આગંતુકને ખ્યાલ પણ ન આવે કે આ મહાત્માની આટલી મોટી ઓળી ચાલતી હશે !...
આ ઉપરાંત લેખન-જાપ તેમજ યુવા શિબિર, નવપદજીની સામૂહિક ઓળી પ્રાચીન સાહિત્યનો ઉદ્ઘાર, વિવિધ મહોત્સવો વિગેરેનું આયોજન પણ મુખ્યત્વે આ મહાત્મા સંભાળતા. આચાર્ય ભગવંતનું સ્વાસ્થ્ય નાદુરસ્ત રહેતું હોવા છતાં આ મહાત્માના આવા સાથ સહકારથી ખૂબ જ રાહત રહે છે. પરિણામે આવા વિનીત શિષ્ય ઉપર તેમની પૂરેપૂરી કૃપા ઉતરે એ સહજ છે. ધન ધન શાસન મંડન મુનિવર !!!...
આ મહાત્માના દર્શન તો કલ્યાણકારી છે જ પરંતુ તેમના નામનો પૂર્વાર્ધ પન્ન કલ્યાણરૂપ છે અને ઉત્તરાર્ધ એટલે ‘જય વીયરાય' પ્રાર્થના સૂત્ર દ્વારા વીતરાગ પરમાત્મા પાસે જે લોકોત્તર એવી ૧૩ બાબતોની માંગણી કરવામાં આવે છે તેમાં સૌથી છેલ્લી બાબતને સૂચવતો બે અક્ષરનો શબ્દ !...
૨૮ : યુવા પ્રતિબોધક પદસ્થ ત્રિપુટી
સામાન્યતઃ એમ કહેવાય છે કે આજની યુવાપેઢી આધુનિક શિક્ષણ અને વિજ્ઞાનના નિતનવા આવિષ્કારોમાં અંજાઈ જઈને ધર્મથી વિમુખ બનતી જાય છે. સાધુ-સાધ્વીજી ભગવંતોના પ્રવચનોમાં મોટે ભાગે પ્રૌઢ કે વૃદ્ધ શ્રોતાઓ જ મર્યાદિત સંખ્યામાં જોવા મળે છે. મોટા ભાગનો યુવાવર્ગ દેરાસર - ઉપાશ્રયાદિ ધર્મસ્થાનોમાં ક્વચિત જ જોવા મળે છે... આ વાત ઘણે અંશે સાચી હોવા છતાં અપવાદ રૂપે આજે પણ એવા કેટલાક વિદ્વાન અને સંયમી મહાત્માઓ છે કે જેઓ આજના યુવાવર્ગની નાડ પારખી શક્યા છે. પરિણામે ધર્મના અમૂલ્ય તત્ત્વોને આધુનિક અભિનવ શૈલિમાં, જોશીલી જબાનથી રજુ કરીને હજારો યુવાનોને માત્ર ધર્મ સન્મુખ જ નહિ પરંતુ ધર્મમાં ઓતપ્રોત અને ઓળધોળ બનાવી રહ્યા છે. તેમના રવિવારીય પ્રવચનો તેમજ શિબિરોમાં યુવાનો કીડીયારાની જેમ ઉભરાય છે. મોટા મોટા પ્રવચન હોલ પણ સાંકડા પડે છે. પરિણામે ગેલેરીમાં કે દાદાના પગથિયા ઉપર દોઢ-બે કલાક સુધી ઊભા રહીને પણ કેટલાય યુવાનો જેમના પ્રવચન અમૃતનું હોંસે હોંસે પાન કરતાં જાણે ધરાતા જ નથી.” વ્હાઈટ એન્ડ વ્હાઈટ” ડ્રેસમાં સજ્જ હજારો શિબિરાર્થી યુવાનોને વગર માઈકે અપાતા પ્રવચનના શ્રવણમાં પૂરા શિસ્ત સાથે એકતાન બનતાં તેમજ કેટલીય વખત એકી સાથે હજારો યુવાનોને વ્યસનોને તિલાંજલિ આપતાં અને વિવિધ પ્રકારના બહુરત્ના વસુંધરા–ભાગ ત્રીજો ૪૭
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |