SearchBrowseAboutContactDonate
Page Preview
Page 285
Loading...
Download File
Download File
Page Text
________________ સંપૂર્ણ જીવન નિર્વ્યસનીપણે પસાર થયું છે. સ્થાનકવાસી સંપ્રદાયના કર્ણાટક કેસરી, ખાદીધારી, ગણેશબાબા મ.સા.ના તેઓ પરમ ભક્ત છે. તેમની કૃપાથી ઉપરોક્ત પ્રકારે સાધના કરતાં કરતાં તેમનામાં વિશિષ્ટ આત્મ શક્તિઓનો પ્રાદુર્ભાવ થયેલો છે. જેના પ્રભાવે ઘણીવાર સામી વ્યક્તિના મનના વિચારો પણ જાણી શકે છે ! ભૂત-પ્રેતાદિના વળગાડ પણ દૂર કરી શકે છે ! કેટલીક વિશિષ્ટ બિમારીઓ પણ જાપ દ્વારા દૂર કરી શકે છે. આજથી ૧૦ વર્ષ પહેલાં ૬૭ વર્ષની વયે તેમના શરીરે અર્ધાંગ લક્વાના ૭ વાર હુમલા થયા હતા છતાં પણ તેમણે ડોક્ટરની દવા ન લીધી અને શ્રદ્ધા બળે દેવ-ગુરુ કૃપાથી જ ઠીક થઈ ગયા !!!... આજે ૭૭ વર્ષની જેફ વયે પણ તેઓ દ૨૨ોજ સવારે પા વાગ્યે પૂનાની ગણેશ પેઠમાં આવેલ સાદડી સદન જૈન સ્થાનકમાં તો ક્યારેક નાના પેઠમાં આવેલ સાધના સદન જૈન સ્થાનકમાં બુલંદ સ્વરે, એકાગ્ર ચિત્તે, ભક્તિભાવ પૂર્વક પ્રાર્થના, ભક્તામર સ્તોત્ર પાઠ તેમજ ધ્યાન ૨ ક્લાક સુધી કરે છે !... એમના જીવનની અપ્રમત્તતા ખરેખર અનુમોદનીય છે ! ૫૩ : મુંબઈમાં પણ સંડાશ-બાથરૂમના ઉપયોગને ટાળતા અરવિંદભાઈ દોશી પહેલાંના જમાનામાં આર્ય લોકો પ્રાયઃ ઘરનું જ ભોજન કરતા. હોટલ કે રેંકડીના બજારુ વાસી ખોરાકથી પ્રાયઃ દૂર જ રહેતા. અને વડીનીતિ માટે ગામની બહાર જંગલમાં જતા. જ્યારે આજકાલ ગામડાની સંસ્કૃતિ છિન્ન ભિન્ન થતી જાય છે અને ગામડાના લોકો પણ આજીવિકા વિગેરે માટે શહેરમાં જવા લાગ્યા છે. પરંતુ શહેરી વાતાવરણમાં જીવતા લોકોને હવે ઘરનું ભોજન ગમે તેટલું સાત્ત્વિક અને સ્વાદિષ્ટ હોય તો પણ ઓછું ભાવે છે. અને હોટલ-રેસ્ટોરન્ટ તથા રેંકડીનું ભોજન ભલે વાસી, દૂષિત અને રોગચાળો ફેલાવતું હોય તો પણ તેના પ્રત્યેનો મોહ વધતો જાય છે. અને નીહાર માટે બહાર જવાને બદલે ઘરમાં જ પ્રાયઃ રસોડાની બાજુમાં આવેલ સંડાશમાં જવું પડે છે !... અને સ્નાન પણ બાથરૂમમાં કરવું પડે છે. પરંતુ એ સંડાશ અને બાથરૂમના પાણી વિગેરે જે ગટરમાંથી પસાર થાય છે તેમાં અગણિત કીડાઓ, અસંખ્ય સંમૂર્ણિમ મનુષ્યો વિગેરેની થતી ઘોર હિંસાનો તેમને ખ્યાલ નથી આવતો. બહુરત્ના વસુંધરા–ભાગ બીજો = ૧૫૨ B ---
SR No.006139
Book TitleBahuratna Vasundhara
Original Sutra AuthorN/A
AuthorMahodaysagar
PublisherKastur Prakashan Trust
Publication Year1996
Total Pages684
LanguageGujarati
ClassificationBook_Gujarati
File Size16 MB
Copyright © Jain Education International. All rights reserved. | Privacy Policy