Page Text
________________
૫૨ : ૩ વર્ષ સુધી સતત ઊભા ઊભા અપ્રમત્તપણે સાધના કરતા બંસીલાલજી ઉમેદમલજી ચોરડિયા
પૂના (મહારાષ્ટ્ર)માં રહેતા સુશ્રાવક શ્રી બંસીલાલજી ઉમેદમલજી ચોરડિયા (ઉં.વ.૭૭)ની સાધના આશ્ચર્યપ્રદ છે.
૧૫ વર્ષની કિશોરવયથી એમણે એવી પ્રતિજ્ઞા કરી છે કે ભોજન વખતે કાંઈપણ માંગવું નહીં. સ્વાભાવિક રીતે જે પીરસાય તેમાં જ સંતોષ રાખવો. એઠું મૂકવું નહિ. તથા ઘરે કે બહારગામ યા લગ્નાદિકના પ્રસંગમાં જવાનું થયું હોય ત્યારે પણ જ્યારે કોઈ કહે કે ‘ભોજન કરો' તો જ જમવું નહીંતર ભૂખ્યા રહેવું !...
૨૪ વર્ષની વયમાં તેમણે ૬ વર્ષ માટે ઘઉંની કોઈપણ વાનગી વાપરવી નહીં, જુવાર કે બાજરીનો લૂખો રોટલો અને દાળ આ બે જ દ્રવ્ય વાપરવા એવી
પ્રતિજ્ઞા કરી અને પાળી હતી !....
છેલ્લા ૪૦ વર્ષથી તેઓ દરરોજ ૧ ક્લાક સુધી નવકાર મહામંત્રનો જાપ તથા સવા ક્લાક સુધી નાડી બંધ કરીને ધ્યાન કરે છે !...
વચ્ચે ૩ વર્ષ સુધી તેમણે નિરંતર ઊભા ઊભા જ અપ્રમત્તપણે સાધના કરી
હતી. !
૩ વર્ષ સુધી સળંગ ઠામ ચોવિહાર એકલઠાણું કર્યું હતું !...
છેલ્લા ૩૭ વર્ષથી દર શનિવારે આખો દિવસ મૌનમાં રહે છે.
છેલ્લા ૩૬ વર્ષોથી પગમાં પગરખાનો ત્યાગ કર્યો છે.
છેલ્લા ૩૨ વર્ષોથી આજીવન બ્રહ્મચર્ય વ્રતનો સ્વીકાર કર્યો છે. છેલ્લા ૪૭ વર્ષોથી રોજ ૨ સામાયિક અચૂક કરે છે.
૬ વર્ષથી રોજ પુરિમઢનું પચ્ચક્ખાણ કરે છે. પોતાના પ્રાણ જાય તો પણ ખોટું ન જ બોલવું અને કોઈની પણ નિંદા ન જ કરવી એવી પ્રતિજ્ઞા પણ છેલ્લા ત્રણેક વર્ષથી તેમણે સ્વીકારી છે. શ્રાવકના ૧૨ વ્રતો પણ પાંચેક વર્ષથી ગ્રહણ કર્યા છે.
વચ્ચે એક અઠ્ઠમ કરેલ ત્યારે પણ ત્રણે અહોરાત્ર નિરંતર ઊભા ઊભા જ સાધના કરી હતી. !
વચ્ચે કેટલાક વર્ષ સુધી ઠામ ચોવિહાર અવઝુ એકલઠાણું કરતા. ત્યારે સૂર્યાસ્ત થવાને લગભગ બે ઘડી જેટલો સમય બાકી રહ્યો ત્યારે ૫-૧૦ મિનિટમાં જ આહાર-પાણી ગ્રહણ કરતા !
બહુરત્ના વસુંધરા-ભાગ બીજો = ૧૫૧
| SR No. | 006139 |
| Book Title | Bahuratna Vasundhara |
| Original Sutra Author | N/A |
| Author | Mahodaysagar |
| Publisher | Kastur Prakashan Trust |
| Publication Year | 1996 |
| Total Pages | 684 |
| Language | Gujarati |
| Classification | Book_Gujarati |
| File Size | 16 MB |