________________
એવા આત્માઓએ આ ખાટકી યુવાન નબીના દર્ઘતમાથી પ્રેરણા મેળવીને આયંબિલ આદિ તપશ્ચર્યા માટે પુરૂષાર્થ કરવા જેવો છે.
=
(૪૧)
સચિન પાણી પણ નહિ પીતા રામકુમાર કેવટ(ખલાસી)
બિહાર રાજ્યમાં અરટિયા જિલ્લાના મધુબની ગામ (પો. અમારા, વાયા. ફારસીગંજ)માં રહેતા રામકુમાર કૈવટ જાતિમાં જન્મ પામ્યા હોવાથી તેમના પરિવારમાં માંસાહાર આદિ સ્વાભાવિક રીતે થતું હતું. પરંતુ ફારસીગંજમાં ચાતુર્માસ બિરાજમાન સ્વ. સુમેરમુનિજી તથા વિનોદમુનિજીના સંપર્કમાં પ્રસંગોપાત આવવાનું થતાં તેઓશ્રીના સદુપદેશથી માંસ-મદિરા આદિ સાત મહાવ્યસનોના ત્યાગની પ્રતિજ્ઞા લીધી. એટલું જ નહિ પરંતુ પોતાના પરિવારમાં પણ માંસાહાર સર્વથા બંધ કરાવી દીધો.
ત્યારબાદ દશેક વર્ષથી બિહાર, બંગાળ, આસામ, ઓરીસા, મધ્યપ્રદેશ, તથા મહારાષ્ટ્રમાં ઉપરોક્ત મુનિવરો તથા તેમના ગુરૂભાઈઓની સાથે રહીને સેવાનો લાભ લે છે. પરિણામે બને ત્યાં સુધી સચિત્ત(કાચું) પાણી પણ વાપરતા નથી. રાત્રિભોજન કરતા નથી. દરરોજ સામાયિક કરે છે તથા નવકાર મહામંત્રની માળા ગણે છે. મુનિવરોની સેવા કરતાં કરતાં તેમણે સારું એવું ધાર્મિક જ્ઞાન પ્રાપ્ત કરી લીધું છે. ઉપવાસ, અઠ્ઠમ તથા અઠ્ઠાઈ સુધીની તપશ્ચર્યા પણ કરી છે. સાધુ સંતોની સેવા ખૂબ જ ભાવથી કરે છે.
ખરેખર સત્સંગ રૂપી પારસમણિ કથીરને પણ કંચન બનાવે છે.
આવા જીવોના વૃત્તાંતમાંથી પ્રેરણા પામીને સહુ જીવો સત્સંગપ્રેમી બનો એ જ શુભાભિલાષા. .
-
૬૮
