________________
જ છોડું...'
આખરે તે વારસાહક્ક જતો કરીને અલગ રહેવા લાગ્યો અને નામ પરિવર્તન કરી સુંદર રીતે જૈન ધર્મ પાળી રહેલ છે.
આ રીતે પ્રસિધ્ધ થવાની તેની ઇચ્છા ન હોવાથી તેના નૂતન નામ - ઠામ અત્રે પ્રકાશિત કરેલ નથી. ' રાત-દિવસ રૂપિયા પાછળની આંધળી દોટના કારણે જન્મથી પ્રાપ્ત થયેલ જિનશાસનની અણમોલ આરાધનાની ઉપેક્ષા કરનારા તથા વારસાહક્કને ખાતર સગાભાઈ કે પિતાની સામે કોર્ટમાં કેસ માંડનારા
આત્માઓ આ દૃષ્ટાંતમાંથી પ્રેરણા મેળવીને મહાપુણ્યોદયે મળેલા જિનશાસનના મહિમાને સમજીને આરાધના થાય તો કેવું સારું પ્રભુકૃપાએ સહુને તેવી સન્મતિ પ્રાપ્ત થાઓ એવી હાર્દિક શુભાભિલાષા.
(૪૦) ઓળી તથા ઉપધાનની આરાધના કરતો | ખાટકી (કસાઇ) યુવાન નબી.
શાસનપ્રભાવક પ.પૂ આચાર્ય ભગવંત શ્રીમવિજય ભદ્રંકરસૂરીશ્વરજી મ.સા.મદ્રાસમાં પધાર્યા.તે વખતે મૂળ રાજસ્થાનના વતની પરંતુ મદ્રાસમાં રહેતા એકખાટકીનો યુવાન પુત્ર નબી પૂજ્યશ્રીના પરિચયમાં આવ્યો. સત્સંગના પ્રભાવે પૂર્વજન્મના સુષુપ્ત સંસ્કાર જાગ્રત થયા. તેને જૈન ધર્મ પ્રત્યે ખૂબજ આર્કષણ થયું.અનુક્રમે તેણે આચાર્ય ભગવંતની પુનિત નિશ્રામાં ૯ દિવસ આયંબિલપૂર્વક નવપદજીની ઓળીની સુંદર આરાધના કરી. ત્યારબાદ તેણે ઉપધાન તપની આરાધના પણ ચઢતા પરિણામે કરી. મદ્રાસ જૈન સંઘે તેનું સુંદર રીતે બહુમાન કર્યું.
આજે જૈનકુળમાં જન્મેલા એવા કેટલાય આત્માઓ હશે જેમણે ૪૦-૫૦ વર્ષની ઉંમર થવા છતાં જિંદગીમાં કદાચ એકેય આયંબિલ નહિ કર્યું હોય અથવા એક વાર પણ નવપદજીની ઓળી નહિ કરી હોય.
૬૭.
