________________
(૩) ખાતે લઈ જાય છે, અને કોઈક સમુદાય છે આની સાધારણમાં અને દશ આની દેવદ્રવ્યમાં લઈ જવા સમ્મતિ આપે છે. સાધારણ ખાતે રકમ લઈ જવી એ અનંત પરમતારક શ્રી જિન આજ્ઞાથી સર્વથા વિપરીત હોવા છતાં હઠાગ્રહ - કદાગ્રહ વશ મમતે ચઢીને મિથ્યા પ્રરૂપણા અને અભદ્ર આચરણા આચરી રહ્યા છે. તે પર્વાધિરાજ મહા પર્વની આરાધનાથી, પણ મહાવિરાધના છે. આરાધના એ પરમ મહામંગળરૂપ ભૂષણ છે અને વિરાધના એ મહાકલંક દૂષણ છે.
ચૌદ સ્વપ્નની ઘોડિયા પારણાની પ્રભુજીને પારણામાં પધરાવવાની, બારતી મંગળદીવાની અને થાપા દેવાની બોલી દેવદ્રવ્ય જ છે એમ શી રીતે ગણાય ? અને તેની સિદ્ધિ શી રીતે કરવી તે અંગે અનંત મહાતારક શ્રી જિન આજ્ઞા સાપેક્ષ વિચારીએ.
મહાસ્વાર્થી કાળમીંઢોના કુરંગે રંગાયેલા મહામાયાવી મહાદંભી મહાસ્વાર્થી વામમાર્ગી કાળમીંઢ વિદેશી શ્વેત પાશ્ચાત્યાન કુછંદે ચઢીને કુરંગે રંગાયેલ કેટલાક વર્ગ એવા અસંગ કુર્તો કરવા લાગ્યો છે કે શ્રી તીર્થંકર પરમાત્મા જમ્યા ત્યારથી તેઓ વિરાટ રાજ્ય અને અફાટ વૈભવના અધિપતિ હતા. તેઓશ્રીનું સંસાર જીવન અતિભવ્યાતિભવ્ય પરમતમસુંદર હતું. પરમાત્માના જીવનમાં પ્રતિકૂળતા શોધી મળે તેમ ન હતી. એવું અતિભવ્યતમ સુંદર સંસારી જીવન, તીર્થંકર પરમાત્મા વિના માનવસૃષ્ટિમાં અન્ય કોઈનું યે હોતું નથી. તથાપિ પરમાત્માને એવો સુંદરતમ અનુકૂળતાવાળો સંસાર પણ પરમતમ અસાર લાગ્યો. સાંવત્સરિક દાન દઈને સર્વસ્વ સંગનો સર્વથા ત્યાગ કરીને પરમતમ ઉચ્ચકોટીએ સંયમનો સ્વીકાર કર્યું. તે સમયે ચતુર્થ મન:પર્યવજ્ઞાન ઉત્પન્ન થયું. ઉત્કટ તપ અને ઉત્કટ ધ્યાનપૂર્વક